- 221
—!Agsauka! —inulit ni Simoun.
—?Ket, anianto. . . ti innak aramiden?—sinaludsudna, a timek na ti silelemmes, mapessapessat, nakapoy.
—Maysa a banag a nalaka unay,—insungbat ni Simoun, a ti rupa na rimmaniag iti inanama;—gapo ta masapol a siak ti mangiturong iti garaw, saan ko a mabalin ti mangirapin iti sabali nga aramid. Masapulko a no madama ti pagilian a maringguran kadagiti nadumaduma a disdisso a yan ti bakal, sika inka ipanguluan ti maysa a pangen ket inka lukatan dagiti ruruangan ti konbento ti Santa Clara ket inka aunen sadiay ti maysa a tao a siksika laeng, malaksid kam a dua ken Kapitan Tiago, ti makabalin a makabigbig. . . Awan pagpeggadam a uray ania.
Ni Maria Clara! inyunnoy ti bumaro.
—Wen! !Ni Maria Clara!—inulit ni Simoun, ket idi, iso ti immuna a panagbalin ti timek na a naliday ken naasi;— kayatko nga ispalen, gapo iti ayat ko a mangispal kenkuana, kinayatko ti nagbiag, nagsubliak. . . jmangarainidak iti gulo, ta ti laeng gulo ti makabalin a manglukat kaniak kadagiti ruruangan dagiti konkonbento!
— !Ay!—kinuna ni Basilio, a pinagakubna dagiti im-imana;—jnaladawkayo, naladawkay unay!
—Ket, ?apay?—sinaludsod ni Simoun, a pinagkuribetbetna dagiti kidkiday na.
—!Natayen ni Maria Clara!
Ni Simoun timmakder a limmagto ket dinuklusna ti bumaro.
—?Natay?—sinaludsudna, a timek na ti nakabutbuteng.
—Itay malem, itay maikanem a uras; ita, nalabit a. . .
— !Saan a pudno!—inyungor ni Simoun, a sibebessag ken sipupungtot,—jsaan nga agpayso! jNi Maria Clara sibibiag. ni Maria Clara masapol nga agbiag! Maysa la a pambar a natakrot. . . !Saan a natay, ket ita a rabii, innak wayawayaan, wenno inton bigat, inka matay!
Ni Basilio intal-una ti abaga na.
—Sumagmamano nga al-aldaw itan a nagsakit ket napnapanak iti konbento a napan immam-amad. Kitaenyo, addaytoy ti surat ni Padre Salvi nga inyeg ni Padre Irene. Ni Kapitan Tiago nagsangsangit a nagpatpatnag, nagpakpakawan ket inna inagep-agep ti ladawan ti anak na ingga na iti simmusop iti kasta unay nagado nga apian. . . Itay ma lem, pinatitanda.
—!A!—inyunnoy ni Simoun, iniggamanna kadagiti dua nga im-ima na ti ulo na, ket saan a nakakuti.
