228
Saan pay a nakaaddang iti maysa daydi bumaro, ni Paulita limmagto a dimsaagen iti kasla sagiksik ti maysa a silpide ket inismanna ni Isagani iti isem a napnuan kapia; ni Isagani immisem met ket inpagarupna nga amin dagidi ululep, amin dagiti nangisit a panpanunot a inda kenkuana simmiplot, inda agpukaw a kas asok; silsilaw ti adda iti langit, daniw iti tangatang, ket sabsabong ti nangabbong kadagiti ruruot iti dalan. Dakes a gasat, ta ni dunia Victori na adda sadiay, ni dunia Victorina iso a nangawid iti buma ro, ta damagenna ni don Tiburcio. Ni Isagani nagkari ngamin a mangsapol iti naglemmengan na babaen ti inna pannakiam-amad kadagiti agad-adal nga am-ammo na.
—Awan pay ti nakaibaga kaniak ingga na ita,—insungbatna, ket pudno ti sao na, ni don Tiburcio adda pay met ket ngarod nga aglemlemmeng iti balay ni uliteg na, ni Pa dre Florentino.
—Ipakaammuyo man kenkuana, — kunkuna ni dunia Victorina, a sipupungtot,—nga aramatekto ti Guardia Sibil; sibibiag wenno nalpasen a natay, kayatko nga ammuen ti yan na. . .! Ta namak pay met ket ti sangapulo a tawen a panagur-uray, santo mabalin ti makiasawa!
Ni Isagani kinitana a sikikigtot; ni dunia Victorina rantana gayam ti makiasawa manen. jAsino ngata ti daksanggasat a inna nakawit?
—?Ania ti kuna yo ken Juanito Pelaez? —sinaludsudna nga ingalpak.
—?Ni Juanito?. . .
Ni Isagani saan na nga ammo ti inna isungbat; ngannganina ibaga amin nga ammuna a kinadakes ni Pelaez, ngem ti nalinis a kababalin nagballigi iti puso na ket naimbag ti sinasao na maipapan iti kasalisal na, gapo ket ngarod ta kasalisal na. Ni dunia Victorina, a kasta unay a ragragsak ken ay-ayat na, saan na nga ammo ti kukuen na a mangipadpadayaw kadagiti gunggundaway ni Pelaez, ket inna kuma italeken ken Isagani ti palimed ti baro nga ayat na, idi ta ni gayam a Paulita napan a nagtartaray a nangibaga a ti pay pay na natinnag iti yan dagiti batbato nga adda iti igid ti taawT, iti abay ti Malekon. Sikap wenno nairana a naaramid, ti pudno, daydi a napasamak iso ti nakaigapuan ti panagbati ti gayyem ni Paulita iti yan ti baket, ket ni Isagani nabalinna ti nakisarita ken Paulita. Maysa pay, ni dunia Victorina makaragragsak ket tapno mabagina ni Juanito, abuyanna ti lisi dagita matmata yo kadagidi cochers. . .
