- 233
laknib ni wayawaya ken dagiti nasaririt ken maitutop a linlinteg, a kas sadi narang-ay a Inglaterra. . .
Ni Paulita umis-isem a kasla agngata ket inna iwingwingiwing ti ulo na.
—!Dardarepdep, dardarepdep! — inyunnuyna; — nangngegko a nasasao nga aduda dagiti kabbusor yo. . . ni ikit Torina kunana a toy a Hi, kankanayunto nga adipen.
—Wen, ta ni ikit mo, maysa nga ang-ang, agsipod ta iso dina mabalin ti agbiag nga awan adipen na, ket no kas awanan, inna tagtagainpen nga addadanto iti kasakbayan, ket no saan a mabalin nga adda da, patpataudenna ida iti ulo na. Agpayso nga addada kabusor mi, pudno nga addanto dangadang, ngem mangabakkamto. Ti daan a kasasaad mabalinna ngata a pagbalinen dagiti narba a kakastilio na a pagsadirian, ngem dakami inkamto ida agawen a mangidandaniw iti daniw ni wayawaya, a silsilawan dagiti matmata yo, sipsipatan dagiti pagrukbabanmi nga im-ima yo! Ngem saan ka a madanagan; ti bakal natalnanto; umanayen ti inkay kadakam panangibaon nga agadal, ti inkay panangriing ka da kami kadagiti natakneng, nangato a panpanunot ken ti inkay panangbiag iti anos ken bileg ti pakinakem mi nga agaramid, babaen ti inkay panangungguna kadakami iti sappuyot ti dungngo yo!
Ni Paulita umis-isem iti saan a maaw-awatan ket kasla sipapanunot; kumitkita iti karayan, ket ti paypay na inna isipsipat a siinayad iti pingping na.
—Ket no awan magun-udyo? —kinunana a kas la sabali ti yan ti nakem na.
Ti saludsod dinangranna ni Isagani; inperrengna dagiti matmata na kadagiti matmata ti ay-ayaten na, iniggamanna a siinayad ti maysa nga imana, ket simmungbat:
—Denggem: no awan magun-udmi. . .
Ket nagtukeng a kasla nagngata.
—Denggem, Paulita, —intuluyna; —ammumon no kasano ti panagayat ken panagrukbab ko kenka; ammumon a kaslaak sabali no bungunendak dagita matmatam, no adda maranak kadakuada a maysa a rissik ni ayat. . . nupay kasta, no awan inkam magun-od, innakto parmataen ti maysa nga ikikitam manen, ket matayakto a sigagasat ta iti kasakbayan, dagita matmatam mabalindanto ti rumaniag a sitatangsit ket mabalinmunto met a kuna no itudom ti bangkay ko: jdaydi ay-ayatek natay a nakibakal gapo kadagiti kalkalintegan ti daga a nakayanakakl
