- 239
giti dumna a paglaklakuan ken pagpangpanganan, nagsardengda a naminpinsan, a kasla itay umallingagda iti maaramid iti daya. Ti ulimek nakaddidillaw.
—!Tadeo, agdiskursukan! —kinuna ni Makaraig iti nainayad.
Nagtutulaganda a ni Sandoval, ta iso ti kalaingan kadakuada a bumitla, isunto ti mangpukpok kadagiti bitbitla.
Ni Tadeo, a patinayon la a nasadot, awan sinaganana, ket nadanagan. Idi ta madamana a sulsul-uyen ti maysa a sutanjon nga atiddag, panpanunutenna no kasano ti ilulusotna, ingga na iti nalagipna ti maysa a bitla a naadalna iti pagadalan, ket iso ti innalana a tinuladen ken dinadael.
—!Ay-ayatek a kakabsat ko iti gakat! —inrugina nga iwaswasawasna dagiti dua a sipsipit nga aramaten dagiti ininsik a mangan.
— !Nuang! !ibbatam dayta sipit, ta dinadaelmo ti bisngay kon! —kinuna ti kinadenna na.
—“Gapo ta inayabannak ti inkay pammili a mamunno iti pagkurangan a pinataod iti. . .”
—!Agtutulad! —insengngat ni Sandoval; —dayta a bitla iso ti inyebkas ti pangulo ti Liceo tayo!
—“Gapo ta inayabannak ti inkay pammili, — intuloy ni Tadeo, a saan a nagkir-ing, —a mamunno iti pagkurangan a pinataod iti. . . isip ko (ket intuduna ti buksit na) ti maysa a tao nga agdindinamag gapo iti sursuro na a nakristianuan ken gapo kadagiti patpatanor ken gakgakat na, a maikari a mangnayon bassit iti lagip na, d’ania kad ti mabalin a sawen ka dakayo ti maysa a kas kaniak a sibibisin unay, ta saan pay a nangaldaw?”
—!Agsidaka iti tengnged, chikoooo! —kinuna ken kuana ti kaabay na nga inyawatanna iti tengnged ti manok.
—“Adda maysa a sida, appo, gameng ti maysa nga Hi nga iso ita ti masarsarita ken malalais ditoy daga, iso a nangikautanda kadagiti inabisbisinan nga ak-aklo da dagiti iso amin a kalaingan a lumalamot a taga Laod. . .” —ket intu duna kadagiti sipsipit na ni Sandoval, iso a madama idi a mangilaslasag iti payak ti manok a natangken.
—Ken !taga Daya!—insungbat ti natudo, nga inwagisna ti idos (kutsara) na a pinangpatulduna kadagiti amin a sisasango.
—!Diyo gupgupdenti bitla!
—!Kayatko ti agsao!
—!Patis ti kayat ko! —innayon ni Isagani.
—!Yegyon ti lumpia!
