- 247
bannog la ni Basilio a nangay-ayab kenkuana; kasla ket itay
nagbalinen a sul-ot.
—Gapuanan ti buteng iti rusok!—nakuna ni Basilio.
Sana nasabat ni Tadeo, a napalalo ragsak ti rupa na. Daydi tagtagainpen na nga agnanayon a panaglakuatsa kas la maaramiden.
—?Ania, Tadeo?
—Awanto ti klase tayo iti saan nga agkurang a maysa a lawas na, lakay! nagimbagen! nagsayaaten!
Ket pagrisrisirisenna dagiti im-ima na, iti ragsak na.
—Ngem, ?ania ti naaramid?
—Baludendatay kan amin datay a naggigimong!
—?Ket maragsakanka?
—!Awan klase, awan klase!—ket immadayo, a kasta unay ragsak na.
Nakitana nga agturong kenkuana ni Juanito Pelaez, a sibebessag ken sidadanag; idi, napalalo unay unay ti kubbona, kasta unay karting na nga immadayo. Iso ti maysa kadagiti kagagagtan a nangirugrugi iti inda panaggigimong, idi awan pay makita a dakes.
—!Oy! Pelaez, ania ti naaramid?
— !Awan, awan ammok! Awan bibiang ko,—insungbatna nga agtigtigerger; — inbagbagak kadakuada a minamait dagita. . . e'Pudno a kinunak, sika?
Ni Basilio saan na nga ammo no sinauna nga agpayso, wenno saan, ngem tapno maayunan ti kayat na, insungbatna:
—Wen, wen, ngem, <iania ti naaramid?
—?Pudno a wen? Ni, kitaem, sika ti saksik; siak kanayon a sinupsupiatko. . . sika ti saksik, wen, kitaem, dika liplipatan!
—Wen, kunak, ngaruden, ngem, eania aya ti naaramid?
—Denggem, sika ti saksi! Kaano man saanak a rirpmamlaman kadagiti naggigimong, no di la gapo iti innak panangpatpatigmaan kadakuada!... Ania ta libakemto ket di! Aluadam, wen, ?ammom?
—Saan, diakto libaken, ngem, <jania ti naaramid, anak ti Dios?
Ni Juanito nakaadayon; nakitana nga adda umasideg a maysa a Guardia ket nagbuteng, ania ta inda tiliwen.
Ni Basilio, idi ta kasta, napan iti Unibersidad, ta inna kitaen bareng silulukat ti Sekretaria ken tapno makaamad. Ti Sekretaria siririkep ket iti balay naipadpaduma ti garaw. Umuli ket umulugda kadagiti ag-agdan dagiti praile, sol-
