- 249
—Aguraykay ditoy, — kinuna ti maysa; — urayenyo nga uinulog ti kabo.
Ni Basilio kinagatna dagiti bibbibig na, ket dagidi sasao ni Simoun immawengda manen ka dagiti laplapayag na. . . Immayda ngata tiniliw ni Makaraig? nakunana iti uneg na, ngein dina naitured a sinaludsod.
Saan a nabayag a naguray; iti daydi a kanito immulog ni Makaraig a siraragsak a makisarsarita iti kabo, a sinarunuda ti maysa nga alguasil.
—?Apay? Dakay met, Basilio?—sinaludsudna.
—Umaykay kuma kitaen. . .
— !Nagtakneng a panagkukuanl—kinuna ni Makaraig, a nagkatawa;—kadagiti kakanito ti linak, dakayo indakam likliklikan. . .
Ti kabo sinaludsudna ken Basilio ti nagan na, ket kinitana ti lista.
—?Agad-adal iti kinamediko, lansangan nga Anloague? —sinaludsod ti kabo.
Ni Basilio kinagatna dagiti bibbibig na.
—Kissayanyo ti bannog mi,—innayon daydi kabo, ket inpatayna ti ima na iti abaga ni Basilio;—!pabaludkayo?
—?Apay, siak pay?
Ni Makaraig nagpagaak.
—Saan kay a madanagan, gayyem, aglugantayo, ket innakto saritaen kadakayo ti naaramid iti panagdadaya mi idi rabii.
Ket inna inawis ti alguasil ken ti kabo a simmakay iti lugan nga agur-uray kadakuada iti ruangan, a kasta unay nagtaraki ti tignay na nga immawis, a kasla ket no adda iti uneg ti balay nan.
—Idiay Gobierno Sibil!—kinunana iti kotsero.
Ni Basilio, a nagtalnan, sarsaritaenna ken Makaraig ti panggep ti isasarungkar na. Daydi nabaknang nga agad-adal saan na a pinalpas ket inna pinetpetan ti ima na.
—Siak ti makaammo, siak ti makaammo! ket inton marambakan ti panaglisensiado tayo, awisentayto dagitoy appo, —kinunana nga intuduna ti kabo ken ti alguasil.
