- Vox populi, vox Dei.
- Ti timek ti Hi, iso ti timek
- ti Dios.
Binay-antay ni Isagani a makisasao kadagiti gagayyemna. Idi karasukna nga agsasao, adda immasideg kenkuana a maysa a kapista a nangibaga a ni Padre Fernandez, maysa kadagiti mangisursuro kadagiti nganngani makaringpas iti adalna, kayatna a kasarita.
Ni Isagani namalbaliw ti gunay na. Kenkuana, ni Pa dre Fernandez, maysa a tao a papatgen unay; iso daydi MAYSA a kanayon a laksidenna no masarsarita dagiti praile.
—Ket, ania ti kayat ni Padre Fernandez?—sinaludsudna.
Daydi kapista intal-una ti abaga na; ni Isagani simmurot a makasursuron.
Ni Padre Fernandez, daydi praile a nakitatayo sadi Los Banios, adda nga agur-uray iti siled na, siraranga ken sililiday, nakamurareg dagiti kidkiday na a kasla itay madama nga agpanpanunot. Timmakder idi makitana a sumbrek ni Isagani, kinablaawanna nga inyawatna ti ima na, ket rinipkanna ti ruangan; sa nagpagnapagna iti pungto ken pungto ti siled. Ni Isagani, a sitatakder, ur-urayenna nga agsao.
—Apo Isagani,—kinunana idi agangay, a sipipigerger iti apagbassit ti timek na;—manipod ita tawa nangngegkay a nagsasao, ta gapo ta agsarutak, nasayaat ti panagdengngeg ko ket kinayatko ti nakisarita kadakayo. Siak kankanayon a kaayayok dagiti agtutubo a nalawag ti panagsao da ken adda bukod da a panagpanunot ken panagaramid; awan ania man kaniak no maisupadi dagiti panpanunot da kadagiti panpanunot ko. Dakayo, kas nangngegko, nagdadayakay idi rabii, saan yo a libaken. . .
—Diak met libaken ket!—insengngat ni Isagani.
—Nalalaing manen, dayta ipaneknekna nga annugutenyo ti banag dagiti ar-aramid yo. Maysa pay, dakes kuma ti aramid yo no inkay paglikudan; saan kay a tinggaren, saan ko a bibiangan dagiti nasasao sadiay idi rabii; saan kay a
