252
pudno ti sao yo, tapno ti annuruten, iti ingga ti inabalin,
agbalin a sapasap, tapno maliklikan ti panagsaknap ti dakes
a pagpatulad!
Ni Isagani immisem.
—Agyamanak unay kadakayo ket diakto susiken no malaksidak wenno saan; annugutek dayta a sao yo kaniak, tapno annugutenyo met ti ibagak kadakayo; dakayo malaksidkay met, ket gapo ta saan a dagiti malaklaksid ti intay pagsaritaan, ket saan met a dagiti bagbagi tayo ti intay abuyan no kaniak laeng, dawatek iti katedratikok a baliwanna ti turungen ti sarita mi.
Ni Padre Fernandez, nupay kasano a kinawada ti panagpanpanunot na, inlintegna ti ulo na ket kinitana a sipupunno iti siddaaw ni Isagani. Daydi nga agtutubo nawaywayas pay ngem ti inna inpagarop; nupay panagananna iti “katedratiko,” iti pudno, inna kasasao a kasna la kapadpada, ta maituredna man a isingasing ti inda pagsaritaan. Kas nalaing a diplomatiko, ni Padre Fernandez saan na la a di inannugutan daydi, ngem iso pay ti nangiwayat.
—!Naimbag!—kinunana;—ngem saan yo a kitaen kaniak ti katedraliko yo; maysaak a praile, ket dakayo, maysa kay nga agad-adal a pilipino, awan surok, awan kurang na! Ket ita, saludsudek kadakayo: e'ania ti kayat da ka dakami dagiti agad-adal a pilipino? Ti saludsod, kellaat ti idadateng na; ni Isagani saan a nakasagana. Maysa a duklos a di mapupuutan a dumteng no daytay madama datao nga agsagsagana, kas pagsasao dagiti agga-arnis. Ni Isagani, a kasdi a naklaat, simmungbat iti napigsa a panagsangga, a kasla agsursuro nga agsarapa.
—!Kayatmi a tungpalenyo ti annong yo!—kinunana.
Ni Fray Fernandez inlintegna ti bagi na; daydi a sungbat kas man uni ti dakkel a paltog ti nagdenggan na.
—!A tungpalenmi ti annong mi!—inulitna nga inngatuna ti ulo na;—apay, Jsaan mi aya a tungtungpalen ti annongmi <!’ania nga annong ti inkay ka dakam ipabaklay?
—Dagiti met la an-annong a siwawaya nga inkay inpabaklay kadagiti bagbagi yo idi simbrekkay iti gimong yo ken dagiti kinayat yo nga inpabaklay manen idi addakayon iti uneg ti gimong yo! Ngem, kas agad-adal a pilipino, kunak a saan a siak ti akinrebbeng a mangamiris iti panagkukua yo maipanggep kadagiti an-annuruten yo, iti Simbaan, iti Turay, iti Hi a pilipino ken kadagiti amin a tattao; banbanag dagita a rebbengyo a sungbatan kadagiti nainangon ka da giti gimgimong yo, iti Papa, iti Turay, iti amin ti Hi, wenno
