- 257
ket agkalkalay-at ken kumalkalipkip kadagiti kadkadilian.
Inton sadi Espania addada agituytuyang iti linteg a mangiparit iti naimbag ken mangipapilit iti dakes, iti sumuno
nga aldaw, amin dagiti tattao agbalindanto a naimbag!
Daydi dominiko nagsardeng, sana intuloy:
—Ngem, kunayo ngata a suminatay iti sarita tayo; innak sublian. . . Ti mabalin ko a sawen a pangpennek ita nakemyo, iso toy: dagiti kinkinadakes nga adda kadakayo, saanna a rebbeng a dakarni wenno ti Turay ti pabasulenyo nga akinggapuan; addada met laeng iti saan a nasayaat a pannakaurnos ti pagilian, qui multum probat, nihil probat (ti ado ti paneknekan na, awan mapaneknekanna), iso a madadael gapo iti nalabes nga annad, agkurang iti masapol ket agsurok iti awan pagpaayan na.
—No bigbigenyo dagita a kinkinadakes iti gimong yo, —insungbat ni Isagani, —?ania, ngarod, ti gapo na a bumiangkay a mangtarimaan kadagiti sabsabali a gimgimong, a di yo ket ikalikagom a umuna ti biang yo?
—Umad-adayutay iti intay sarsaritaen, bumaro; —ti nalpasen a naaramid rebbengna nga annuguten. . .
—!Ala wen! annugutek, ta nalpas ngad a naaramiden, ket ituluyko ti agsaludsod: <jania ti gapo na a, no dakes ti agdama a pannakaurnos ti pagilian, saan da a sukatan, wenno uray la kuma no inda ipangag ti timek dagiti madangdangran?
—Adayutay pay laeng: sasawentay itay no ania ti kayat dagiti agad-adal kadagiti praile. . .
—Manipod iti kanito nga panaglemmeng dagiti praile iti likudan ti Turay, dagiti agad-adal maipapilit a ti Turay ti inda turungen.
Ti saona nalinteg; awan mabalin a pangliklikan.
—Saan a siak ti Turay, ket diak mabalin a sungbatan dagiti ar-aramid na. <jAnia ti kayat dagiti agad-adal a inkam aramiden kadakuada iti uneg ti inkam nakaipupukan a yan?
Saan yo kuma a supsupiaten ti pannakawaya ti panagsursuro, ngem inkay kuma ket abuyan.
Daydi dominiko inwingiwingna ti ulo na.
—A diak ket sawen ti bukod ko a panunot, kunak a dayta kaibatuganna ti panangdawat yo nga inkam agbekkel, — kinunana.
—Saan, kayatna a sawen a dawatenmi a lisiandakam iti dalan, tapno saan dakay a madalapos ken mabaddekan.
—Jm!—kinuna ni Padre Fernandez, a nagsardeng ket nagpanunot. —Irugiyo kuma a dawaten ti saan unay a narigat, maysa a mabalin a ited ti tumunggal inaysa kadakami a
