258
di ket maan-ano ti dayag ken saguday na, tano mabalintay
ti agkakaawatan ken agbiag a sitatalna, apay a intay agguguranggura, apay a intay pukawen ti talentalek?
—No kasta, ngarod, intay managsaggaysa . . .
—Wen, tano garawentay ti puon ti balay, marbanto.
—Intay, ngad, managsaggaysa; panawantay ti taeng dagiti panpanunot, — insungbat ni Isagani, nga immisem, —ket, a diak met kayat a sawen ti bukod ko a panunot, —ket inna inpigsa ti panangbalikas na kadagitoy a sasao—dagiti agadadal mamenggada kuma iti kayat da ket lumamuyot kuma met ti nagubsang, no dagiti mangisursuro ammuda ida a kasao iti nasaysayaat ngem ti pamapayan da agpapan ita. . . Daytoy, adda kadagiti im-ima da.
—?Ania? —sinaludsod daydi dominiko; —ciadda asog dagiti agad-adal iti panagkukuak?
—Padre, nagtulagantay a sigsigod a saan a dakayo ken siak ti intay pagsaritaan. Sapasap ti intay sasawen: dagiti agadadal, abos man pay ta awan kasano a maal-alada kadagiti ado a tawtawen a panagad-adal da, kaaduan da ti mangibati iti lapgis ti kinadayag da, no di pay ket iso amin.
Ni Padre Fernandez kinagatna dagiti bibbibig na.
—Awan mamilit kadakuada nga agadal; dagiti dagdaga saan da a mabukibok, —kinunana a simamaga.
—Saanman, adda mamilit kadakuada nga agadal, —in sungbat ni Isagani, iti kasdi met la a timek, a inna sinango a naminpinsan daydi dominiko. —Sabali laeng ti annong ti tumunggal maysa a mangsapol iti paglaingan na, adda pay ti tarigagay a naikasigod iti tao a mangpasayaat iti isip na, tarigagay a ditoy adadda a napigpigsa gapo ta maiparparit; ket li mangted iti Turay iti balitok ken biag na, adda kalinteganna a dumawat a maited kenkuana ti lawag, tapno nasaysaya at ti panagsapol na iti balitok ket mataginayon a nasaysayaat ti biag. Wen, Padre, adda mamilit ka dakuada, nga iso met laeng ti Turay, dakayo a mangang-angaw, a di ket maasi, iti indio nga awan sursuro na, ken madi a mangted kadagiti kalkalintegan na, gapo ta kunayo nga awan ammo na. . . Dakayo inkay labusan, sa kay ket pagang-angawan ti kinalamulaino na!
Ni Padre Fernandez saan a simmungbat; intuluyna ti nagpagnapagna, ngem agpigpigerger, kasla makaung-unget.
—Kunayo a dagiti dagdaga saan da a mabukibok! —intuloy ni Isagani, a binaliwanna ti timek na, kalpasan ti nabiit a panagsardeng na; —saan tay a usigen ita ti gapo na, ta makaadayutayto; ngem dakayo, Padre Fernandez, dakayo a
