272
inna inispal, gapo kadagidi ado unay a mismisa nga inna
binaybayadan ken dagiti inpatawidna kadagiti taga Simbaan.
Daydi agbanawbaw a damag iso ti inda pagsasaritaan, inda
yug-ugis, ikabilda amin a di mangan-ano ket awanen ti
agpangngadua. Ibagbagada ti aruat ni Kapitan Tiago, nakaprak ngata, ti pingping na nagdusol gapo iti mama, dida
met nalipatan ti suako a pagsusupan iti apian ken uray pay
ti manok a maipallot. Ti sakristan mayor, nga adda a naitallaong, itangedtangedna a siraranga ti ulo na, a kasna pangannamong, ket inna panpanunuten a inton iso ti matay,
agparangto met a nakaiggem iti sangamalukong a taju a puraw, tano awan daydi makapalamiis a pamigat, saan a maawatan ti nain-ay sadi langit, ken ditoy daga. Maipapan kadagitoy a banbanag ti inda pagsasaritaan ket gapo ta dida
met mabalin a ibaga dagiti naar-aramid iti kalleppas nga aldaw ken gapo ta addada pay tajur sadiay, kasta unay dagiti
naib-ibbatan a sasao a di karkarna, salsaludsudenda no ni
Kapitan Tiago innanto awisen ni San Pedro iti maysa a soltada, no sadiay agpupustada, no dagiti manmanok da sadi
langit saan da a matay, no saan da a masugatan, ket no
kasta, no asinunto ti sentenciador, no asinunto ti mangabak,
kdmpy., sussusik ken sasao dagitoy a kaay-ayo unay dagiti
mangibangon iti sirib, panunot ken annuruten a maibatay iti maysa a pagbasaan a kunada a saan a mabalin nga
agriro, naipaltiing man wenno utang a patien. Matagamtamda met a masasao dagiti mabasbasa kadagiti nobnobena.
pagbasaan dagiti milmilagro, sasao dagiti kukura, pannakaipalpalawag ti panagiyan sadi langit ken ado pay sabsabali a banbanag. Ni don Primitive, daydi pilosopo.
kasta unay a rag-o na a mangibagbaga kadagiti teologo.
—Ta saan a mabalin nga adda maabak sadiay,—kunkunana, a kasla pudno unay;—ti pannakaabak pataudenna ti luksaw, ket sadi langit, saan a mabalin nga adda tumaod a luksaw.
—Ngem adda la mangabak,—isungbat met ni tajur nga Aristorenas;—iti panangabak iso ti yan ti imas na!
—Ket mangabakda ngay a dua!
Ti panangabak da nga agpadpada saan a maannugutan ni Martin Aristorenas iso a pallutan la ti inna naglaklakayan ket kanayon a inna nakitkita a ti maysa a manok maabak ket ti maysa mangabak; no kas pagarigan, agtablada. Nagban bannog la ni don Primitio a nagsausao iti latin; ni Martin Aristorenas iwingiwingna ti ulo na, idinto a nalaka nga awa-
