Ti ipapatay ni Kapitan Tiago ken ti pannakabalod ni
Basilio nagdarasda a nagdinamag iti pangukuman, ket, iti
pakaidayawan dagiti nanumo nga agindeg sadi San Diego,
inkam ibaga nga adadda a lineddaangda ti naudi a damag
ket nganngani is-iso laeng ti inda nasarsarita. Ket, kas matagtagyuray, ti damag nagbaliwbaliw, nasarsarita dagiti nakaladladingit a naar-aramid, nakakigkigtot, nailawlawag ti saan
a maawatan nanaynayunan ti pagkurangan ti damag kadagiti patangpatang, a idi kuan, nagbalinda a kas napudpudno
a naaramiden, ket ti araria a kasta ti inna intataod, pinagkigtutna payen dagiti nangputar met laeng kenkuana!
Sadi ili a Tiani kunkunada a ti kabassitan a dusa a maipatay iti bumaro, iso ti inna pannakaibelleng, ket nalabit a indanto papatayen, no addada iti ngalay ti dalan. Da giti managbutbuteng ken dagiti nangisit amin a makita da, saan la a daytoy ti kuna da, ket sasawendan dagiti pagbitbitayan kada konsejo de gerra. Ti Enero, bulan a dakes unay, Enero manen idi bimtak daydi naaramid sadi Kabite, ket DAGIDI, numan pay papadi da, inda nadingpil; ninto kad ket nakakaasin a Basilio, nga awanan saranay ken pagayam a mangisakit. . .
—Kunak ngamin kenkuana idinl— yun-unnoy ti Juez de Paz, a kasla ket no itay inna pinatigmaanan ni Basilio iti naminsanen;—kunak idin kenkuana. . .
—Nakita dayta a maaramiden!—innayon met ni ermana Penchang;—no sumbrek idi iti simbaan, ket makitana a pangrugiten bassit ti danom a bendita, saan na a kayat ti agugisen! Kunkunana ket di nga adda kan ul-ulmog a babassit kada nasakit iti danom a bendita, ni, dusa ti Dios! Gungguna na! Kasla ket no mabalin a makaited iti sakit to danom a bendita! Maka-agas ket di a, ni!
Ket inna sinarita no kasano ti pannakaagas ti sakit ti buksit na, gapo la iti inna pinangbabasa iti danom a bendita iti puseg na nga inggiddanna a linualo ti SANCTUS DEUS, ket inna ingganetget daydi a pamuspusan kadagiti sisasak-
