278
Tl PlLIBUSTERISMO
iso ti gapo ti nangmalmaluan daydi naimbag a kura kadagiti babbaro a nangtaptapat kadagiti babbalasang iti daydi a pu- rok. Dagiti managdakdakes, no inda makita a lumabas a si- raranga ken sidudumog, inda kunkuna nga ipangpangngeg kenkuana:
—No mayat la kuma, ni kabesang Tales mapakawan! Daydi balasang sumangpet iti balay da a sililiday ket mangmalmalanga dagiti matmata na.
Ni Juli ado ti nagbaliwan na: napukawna daydi ragsak- na, awanen makakita kenkuana nga umisem, apaman la no agsao ket kasna pay itay kabuteng a sarmingan ti rupa na. Naminsan nga aldaw, nakitada iti ili a siuuring iti dakkel ti muging na, iso, a kadawyan na ti nakasaysayaat laeng ken nakatartaraki a panagyan. Naminsan sinaludsudna ken er- mana Bali no dagiti mangpapatay iti bagi da mainpiernuda.
—jAwan duadua!—insungbat daydi babai, ket inna sina- rita kenkuana ti disso a pakaipanan dagiti mangpapatay iti bagi da, a kasla ket no nagyan sadiayen.
Iti pannakabalod ni Basilio, dagiti naimbag ken manag- subalit a kakabagyan inggakatda nga aramiden amin a ma- balinda a pangispal iti bumaro, ngem gapo ta isuda amin awan met inaurnungda a tallo pulo a pisos, ni ermana Bali, kas patinayon a maaramid, iso ti nakapanunot iti kasayaatan. —Ti rebbeng tay nga aramiden, intay pa-patigmaanan iti eskribiente;—kinunana.
Kadagidi nakaay-ay-ay a tattao, ti eskribiente ti tribunal iso kuma ti orakulo sadi Delfos kadagidi inauna a taga Gre- sia.
—No ikkan iti sikapat ket patabakuan iti maysan,—in- nayunna, — ibagana kenka amin a linlinteg a uray la bum- bumsog ti ulom nga agdengdengngeg kenkuana. No adda maysa a pisos mo, ispalennaka, uray no addaka iti puon ti pagbitayan. Idi inbaludda ni karrubak a Simon ket inda sinapsaplit, gapo ta awan nabalinna a pinalawag maipang- gep iti maysa a takaw a naaramid iti asideg ti balay na, inlusot ti eskribiente, ket binting ket sikawalo ken sangka- tinggol a bawang laeng ti intedna. Ket siak, nakitak ni Si- mon nga apaman la ta makapagna ket saan a nagkurang a nakabulan a ikamen la ti nagyanan. jAy! naderder ti patong na, jni! ket, iso ti inpatay na!
Ti patigmaan ni ermana Bali inannamunganda, ket iso met langen ti nakaammo a napan nakisao iti eskribiente; ni Juli inikkanna iti salapi ken pindang a ugsa nga inanupan ni apo na a lakay. Ni lakay Selo agan-anop manen.
