- 287
ken rigrigat. Ti immuna a nakaruar, kas matagtagyuray, iso
ni Makaraig, ket ti naudi, ni Isagani, ta ni Padre Florentino
saan a dimteng sadi Manila no di maysa a lawas kalpasan
dagidi a naar-aramid. Dagidi ado nga ar-aramid a kaasi
nga inpaay ti Jeneral, isuda ti nakaigapuan ti nakanagananna
a naayat ken manangngaasi, a dinardaras ni Ben-Zayb a innayon kadagidi adon a pangidaydayaw da kenkuana.
Ti laeng kakaistma a saan a nakagun-od iti wayawaya na, iso ni nakakaasi a Basilio, iso a naidarom pay nga adda iduldulinna a pagpagbasaan a maiparit. Saan mi nga ammo no daydi ket Medicina Legal y Toxicologia, ni Dr. Mata ti kunada, wenno dagidi ado a babassit a pagpagbasaan maipapan iti Pilipinas a nasarakanda kenkuana, wenno isuda aminen: ngem nasasao pay ket din a iso aglaklako iti nalimed kadagiti pagpagbasaan a maiparit, ket daydi awanan gasat iso ti nagpukpukan amin a iket ti titimbengan ti linteg.
Saritaenda a kinunada iti Jeneral:
—Masapol nga ADDA maysa a mabati, tapno maispal ti naimbag a nagan ti Turay ket saan a makuna a pinalausantay a pinadakkel ti maysa a banag nga awan met. Umuna ti Turay. Masapol nga adda maysa a mabati!
—Maymaysa ti nabatin, maysa a tagabo ni Kapitan Tiago, kas kuna ni Padre Irene. . . Awan mangidawat ken kuana. . .
—?Tagabo ket agad-adal? — sinaludsod ti Jeneral;—no kasta, iso, ngarod; iso dayta ti mabati!
—Ipalubosyo kadi, natan-ok a Jeneral, — kinuna daydi nangato nga agturay, iso a nairana idi a sisasango; — ngem nasauda kaniak a dayta nga agtutubo, madama nga agad-adal iti Medisina, dagiti mangisursuro, nasayaat ti sao da maipanggep kenkuana. . . no mabati a mabalod, dadaelenna ti maysa a tawen, ket gapo ta daytoy a tawen iso ti pannakaturpos na iti adal na. . .
Ti ibabaet daydi nangato nga agturay a nangisakit ken Basilio, saan a nakapalaing, ngem iso ket ti nakadaksan na. Nabayagen nga adda bassit a guranggura iti daydi nangato nga agturay ken iti Jeneral, guranggura a ninaynayunan da giti sasao kada tantanuttot a maidanundanon. Ti Jeneral immisem a kasla nakapungtot ket simmungbat:
—?Wen? no kasta, maysa manen a gapo ti pakabaludanna; ti makatawen pay a panagadal na saan nanto a pakadaksan, ngem paglaingannanto ket di, iso ken amin dagiti matnagto iti ima na. Saan a gapo kadagiti ado a padpadas ti pagbalinan a dakes a mangngagas. Maysa manen a gapo ti
