- 295
a matagtagari, manmano no agpakita, ket umisem iti nalimed
no inda ibaga kenkuana daydi naipakdaaren a panagpadayana.
—¡Ala, apo Simbad, —kinuna kenkuana iti naminsan ni Ben-Zayb, — purarendakam man iti maysa nga aramid a inaamerikano! Ala man, ta adda ngad bassit a utang yo itoy a Ili.
—¡Awan duadua! —isungbatna, nga umisem iti namaga.
—Napalalunto ngata a rambak ti pamayan yo, aya?
—Mabalin a kasta, isuna la a gapo ta awan bukod ko a balay.. .
—Ginatangyo kuma ngamin idi ti balay ni Kapitan Tiaa g° ginatang ni apo Pelaez iti nakalaklaka!
Ni Simoun nagulimek, ket nanipod idin, nasansan a nakitkita iti paglakuan ni don Timoteo Pelaez, iso a kunkunada a nakisugpunanna. . . Sumagmamano a lawlawas na, iti kalpasan na, iti bulan ti Abril, nagkadinamagen a ni Juanito Pelaez, nga anak ni don Timoteo, makiasawa ken Paulita Gomez, daydi balasang a pagrayraywan dagiti taga sadiay ken dagiti ganggannaet.
—¡Addada tattao a nagasat! —kunkuna dagiti dadduma nga agtagtagilako, a naapal; —makagatang iti nakalaklaka iti maysa a balay, malakuna a nasayaat dagiti galgalba na, maisugpon iti maysa a Simoun, sana mayasawa ti anak na iti maysa a nabaknang nga ado ti tawid na, kankankanen dagita, kunayo, a saan a magun-od amin dagiti tattao nga addaan dayaw!
—No ammuyo kuma no adino ti pagal-alaan ni apo Pe laez kadagita a kankankanen!
Ket iti timek na, kasna man itudo ti bagi na.
—Ket mabalinko met a ipatalged kadakayo nga addanto dakkel a rambak,—sana innayon a sililimed.
Agpayso, ngamin, a ni Paulita rptakiasawa ken Juanito Pelaez. Ti ayan-ayat da ken Isagani nagpukawen a kas amin a umuna nga ayat, a naibatay iti daniw, iti rikna, iti puso. Ti naaramid maipanggep kadagidi pikpiket ken ti pannakabalod na inuksubanda ti bumaro kadagiti amin a pangaw-awisna. ¿Asino kad met ngamin ti mapan mangsapol iti peggad, mayat a bumagi iti gasat dagiti kakadua na, mapan agparang, idinto ta amin a tao aglemmeng ket iwalinna amin a makaisarsarak kenkuana? Maysa daydi a kinamauyong, nga awan si asino man a manakem a tao sadi Manila a makabalin a mamakawan kenkuana, ket pudno unay ti sao ni Juanito a manglalais kenkuana tapno inda katawaan, a inna tuladen
