makakitkitan iti rupa ti art! Ala, gagayyem, umaykayo ket di ta intay uminom iti serbesa, nga ipaaytay iti irarang-ay ti pangukuman!
Dagiti dua nga agtutubo nagyamanda ket inpambarda a saan da nga uminom iti serbesa.
—Dakes ti aramid yo a kasta,-kinuna manen ni Simoun, a nadlaw a nasukit;—ti serbesa, nasayaat, ket nangngegko itay bigat a kinuna ni Padre Camorra a ti gapo ti pagkurangan ti pigsa a makita ditoy a daga, iso ti kinaado unay ti danem a inumen dagiti tattao.
Ni Isagani, a nganngani kataytayag ni Simoun, inlintegna ti bagi na.
—No kasta, ibagayo ken Padre Camorra,—dinaras a ki- nuna ni Basilio, ket kinidagna ni Isagani nga awan nakadkad- law,—ibagayo kenkuana a no danom kuma ti inumenna a saan nga arak wenno serbesa, nalabit a mangabaktay amin ket awan kuma wnay masarsarita gapo kenkuana...
—Ket ibagayo pay,—innayon ni Isagani, a dina intaltalek tt panangkidag ti gayyem na,—a ti danom, nasam-it unay ket mayat a painom, ngem lemmesenna ti arak ken ti serbesa ket iddepenna ti apoy; ket no mapapudaot, agbalin nga alisugasog; no makaunget, mangliwengliweng a taaw, ket naminsan a pinukawna “dagiti tattao ket pinagpigergerna pay ti batay ti lubong!
Ni Simoun intangadna ti ulo na, ket numan pay saan a nakita dagiti matmata na a nalingdan kadagiti sarsarming na a balbag, iti rupa na, nakita a nasdaaw.
—¡Nasayaat a sungbat — kinunana, — ngem adda buteng ko nga inna ipapaangaw ket inna saludsuden kaniak no kaanunto ti panagbalin ti danom nga alisugasog ken no kaanunto ti panagbalin na a mangliwengliweng a taaw. ¡Ni Padre Camorra saan unay a mamatpati ket naangaw unay!
—Inton papuduten ti apoy, inton dagiti babassit a karkarayan, a ita addada a naggaaddayo kadagiti rawraw-ang a inda pagayayusan, ta iduron ida ti dakes, inda agtitipon itt mangliwengliweng a derraas a kalkalien dagiti tattao, isunto, —insungbat ni Isagani.
—Saan, apo Simoun,—innayon ni Basilio, ket kasna in- papaangaw. —Ulitenyo kenkuana, nalalaing, toy sumaganad a daniw, a putar met la ni gayyem Isagant:
Danom kami, kunayo, apoy kayo; Ta kad kayat yo, iso! Agbiagtay ala a sisusungdo
