- 301
Maudi Ni Simoun inaunna a siaannad unay, inikkatna ti gagangtan na ket inpakitana ti uneg na: daydi sinansabot na, paslep, ti kapuskol na dua ngata a sentimetro ket malaunna ti nasurok bassit a maysa a litro. Ni Basilio inna nagsaludsudan kadagiti matmata na: awan maawatanna iti daydi.
Ni Simoun, nga awan ket inna sinao, inaunna iti maysa a pagidulinan ti maysa a parasko ket inpakitana iti bumaro ti naisurat iti rabaw na.
—¡Nitro-gliserina! —indayamudom ni Basilio, a nagsanod ket inyadayuna, a dina napupuutan, dagiti im-ima na. -¡Nitro-gliserina! ¡Dinamita!
Ket iti panangipapan na nga inna naawatan, simgar dagiti bubuok na.
—Wen, nitro-gliserina! —inulit a sibabannayat ni Si moun, a immisem iti nalamiis ket miningminganna a sirarag-o unay daydi parasko a sarming; —saan la a nitro-gliserina! Lulua a naur-urnong, gurgura a napedpedped, kilkillo ken rangranggas! Iso ti maudi a kalintegan ti nakapoy, bileg ken bi leg, pigsa ken pigsa. . . Itay laeng, agngatangataak, ngem immayka, ket sika ti namarmek iti nakem ko! Ita a rabii, tumayabdanto a matumtumek dagiti naranggas a kapepeggadan, dagiti naranggas nga awanan nakem, dagiti aglemmeng iti likudan ti Dios ken ti Turay, ket dagiti lawlaw-as da saan da a madusan gapo ta wan makabalin kadakuada a mangidarom! Ita a rabii, mangngeganto ti Pilipinas ti uni ti paltog, a mangrebbanto iti naalas a pakalaglagipan a ti pannakarpuog na siak ti nangpapardas!
Ni Basilio napamulengleng: dagiti bibbibigna agkutikutida nga awan man ket aweng a pataudenda, mariknana a saan a makagaraw ti dila na, mamagaan ti ngadas na. Idi pay laeng ti immuna nga inna pannakakita iti daydi nabileg a danom a namin-ado a nangnangngegna a nasasao, a kas inarak iti sipnget dagiti malidlidayan a tattao a makidangdangadang tapno agsukat ti agdama a kasasaad ti lubong. Ita, adda man iti sango na, agan-anninaw ket gumarop kumusnig, a maipatpatedted a naglabes annad iti uneg daydi nakatartaraki a granada. Iti panangipagarop na, ni Simoun, kasla maysa a paltuad dagiti sarsarita a SANGARIBO KET MAYSA A RABRABII a tumaod iti uneg ti taaw; dumakdakkel, tuknuenna ti langit, pagbettakenna ti balay ket pagpigergerenna amin ti pagilian iti maysa a garaw ti bukot na. Daydi granada ipatuna no nakadakdakkel a bagi a nagbukel, ket daydi girri na, katawa ti inpierno, iso a pagruaran ti beggang ken apoy. Idi
