Dandanag Ni Ben-Zayb
321
abito ti Dios ti talna ken pakumbaba, nga inna inkawes iti bayat ti panagbiag na;” ni Padre Irene kinayatna kan kuma a tiniliw daydi birkog ket nagna iti sirok ti lamisaan, ta nalinlinteg. Insilpuna a sinarsarita dagiti tuntunel iti uneg ti taaw, nadakamatna ti maysa a gakat a ni don Custodio, inpalagipna ti sursuro ken dagiti nabaybayag a panagbanbanyaga daydi padi. Ti pannakaidasay ni Padre Salvi pinataod kano ti nalaos a sakit a simken iti daydi nasingpet a pransiskano, idi inna nakita ti bassit a bunga a maala dagiti indio kadagiti nasingpet a kaskasaba na; ti saan a pannakakismay ken ti pannakakigtot dagiti dadduma a sisasango a manginangan, kadakuada ti kondesa, a “nangsaranay” (kimpet) ken Padre Salvi, pinagbalinna a kinatalna ken dagiti naknakem da ken kinalamiis ti dara da a kas aglallalaki, a naruam iti peggad iti let-ang ti inda panagtungpal iti annong da, nga iti abay da, dagidi senador romano, a kinellaat dagidi simmukrot a galo, kaarigda laeng dagiti inanagkigkigtot a babbalasitang a mabuteng pay a makakita iti ladawan ti ipes. Kalpasan na, ket kasna panangipakita iti gidiat, inparangna daydi birkog: buteng, kinainauyong, danag, nakakigkigtot a ikikita, langa a simmabali ken jbileg ti kinangatngato ti nakapututan! daydi nasingpet a panagraem na idi makitana sadiay a natiptipon dagidi naindaklan a tatao! Sana innayon a nagsayaat ti pannakaisilpo na, ti maysa nga atiddag a panangilunod, maysa a nabiag a sarita, maysa a kasaba a pangsupiat iti pannakadadael dagiti naimbag a kadkadawyan, iso ti gapona a masapol ti pannakabangon ti maysa nga agtaginayon a pangukuman a buklen dagiti sosoldado, “masapol a maikeddeng a mapaet-etan pay la dagiti “tattao iti uneg ti agdama “a pannakaet-et dan, maysa a naisangayan a linteg, a maner“red, nabileg, ta masapol unay, nasken, a maidaras a maipakita “kadagiti dakes a tattao a no ti puso, naayat ket naasi kadagiti "natudio ken natulok iti linteg, ti ima, napigsa, nabaneg, “saan a lumngi, naiget ket natangken kadagiti agkurang ken“kuana a mangkanniwas iti amin a naimbag ket inda gasaw“gasawen dagiti napateg nga ar-aramid a inpasdek ti ina nga “Espania! Wen, appo, toy, sapulen saan la a ti pagimbagan “dagitoy a Purpuro, saan la a "ti pagimbagan dagiti amin a "tattao, no di pay ket ti nagan ti Espania, ti dayaw ti nagan “a kastila, ti naimbag a damag ti Ili nga ibero, ta kasang- “wanan iti iso amin, datayo, kakastila tayo ket ti wagayway “ti Espania,” ken no ania ania pay. Sana riningpas ti sinuratan na itoy a pakada:
