322
TI PlLIBUSTERISMO
"Agawid a sitatalingenngen ti inaingel a mannakibakal, "a babaen ti addaan padas a una na, inna inturayan a naimbag toy “a daga kadagiti kakanito a karirikutan! Mapan a sitatalna a “mangangsab iti nabanglo a puyupoy ti Manzana res! Dakam ditoy “mabatikami a kas matalek a bantay a mangidaydayaw iti lagip na, "mangsiddaaw kadagiti nasaririt a bilbilin na, ken mangibales iti “ingget nagdakes a pannakatakaw ti ingget sayaat a sagot na, nga “inkamto sapulen uray no inkamto paabbatan dagiti tataaw! Ti “napateg a ibatina isunto ti agnanayon a mangipalagip itoy a Hi “iti kinaraniagna, kinalamiis ti panagdardara na ken kinamaingel “na!” Kasta a nawara bassit ti paggibusan ti sinuratan na, ket kasangwanan ti ileleggak ti lawag, inbaunna iti pagsuratan agraman ti masapol a palubos ti censor (agam-amiris). Ket naturog a kas ken Napoleon kalpasan ti panangituyang na iti rumbeng a maaramid iti daydi gubat sadi Jena. Riniingda iti aglawag ti bigat ket inpakitada kenkuana ti naisubli a sinuratan na, ken maysa a palawag ti Mangiturong iti pagiwarnak, iso a nagkuna a ti Kapitan Jeneral inparitna iti naiget unay, ket saan a maukasanen, nga adda maipablaak maipanggep iti naaramid ket inbilinna pay a malibak amin a masasao, a makuna a sarsarita da laeng, suroksurok ken putputar. Ken Ben-Zayb, ti kasdi kasla panangpapatay iti maysa nga anak a ingget taer ken ingget ingel, a inpasngay ken pinatan-ay babaen dagiti ado a rigrigat ken banbannog, ket, eadino itan ti inna pangikabilan iti daydi nakasaysayaat a sarita na, iti daydi nangiparangarangan na kadagiti sasao a naunget ken nalinteg? Ket no panpanunuten a iti uneg ti maysa wenno dua a bulan, pumanawen sadi Pilipinas, ket ti sinuratan na awanto ti inna pakaipablaakan sadi Espania, ta, ikasano ngamin a sawenna ti kasdi kadagiti agbirbirkog sadi Madrid, no sadiay, sabali dagiti panpanunot nga adda, sapulenda dagiti makapalag-an iti basol, timbengenda dagiti ar-aramid, adda jurado, kdinpy. ksbpy? Dagiti artikulo a kas kadagiti isursurat na, kas da kadagiti aguardiente a nasabidungan a maaramid sadi Europa, naimbagda a paglako ka dagiti pupugot, GOOD FOR NEGROES, ti la gidiat da, no saan a inumen dagiti pupugot, saan da a madadael, ngem da giti isursurat ni Ben-Zayb, basaen man wenno saan dagiti pilipino, adda la gannaan da. —No kuma ngad no adda maaramid a sabali a biddot in ton bigat wenno into kasangabigat! —kinunana.
