336
kayat ti dumarop. Ti pannakibakal da iti saan da a makita, pinagkiglutna ida. Awan sabali a makitada no di asok
ken batbato; awan mangngegda a timek ti tao, awan makitada
nga anniniwan; mabalin a kuna a makibakbakalda iti bantay.
—Ania, Karolino! Adino ti turungen ta paltog mo, p. . . !—inyikkis ti kabo.
Iti daydi a kanito, adda nagparang a maysa a tao iti rabaw ti maysa a bato nga iwaswasawasna ti paltog na.
—Paltuganyo daydiay!—inyikkis ti kabo ket nangibbet iti maysa a tabbaaw a narugit.
Tallo a soldado ti nagtungpal, ngem daydi tao saan a nagkir-ing iti yan na nga agtatakder; agsasao nga agpukpukkaw, ngem saan a maaw-awatan dagiti sasao na.
Ni Karolino nagtukeng, ta kas na nabigbig daydi tao a dinigos ti lawag ti init. Ngem ti kabo inamesanna a bag kungen no di pumaltog. Ni Karolino pinaturunganna day di tao ket adda nangngeg a uni ti paltog. Daydi tao, nga adda iti rabaw daydi bato, nagpuligos ket immikkis iti nangtalimpungaw ken Karolino.
Adda garaw a nadlaw iti kasamekan, a kasla no itay nawarawara dagidi adda sadiay. Iso di nangrugidan a dimmarop dagiti sosoldado, ta awanen sumaranget kadakuada. Adda manen sabali a tao a nagparang iti rabaw ti maysa a bato nga iwaswasawasna ti maysa a duros; pimmaltog dagiti sosoldado, ket daydi tao nagin-inot a nakusbo, kimpet iti maysa a sanga; pinaltuganda manen, ket daydi tao natuang a napakleb iti rabaw daydi bato.
Dagiti sosoldado kimmalay-atda a sikakarting, inkabilda dagiti baybayoneta da, ta sisasaganadan a makirupak iti rinnakep; ni Karolino iso laeng ti masadsadot a magna, dagiti matmata na kas da la mayaw-awan, naliday, ta panpanunutenna ti ikkis daydi tao idi natuang a sinugat ti bala na.
Ti immuna a nakagteng iti ngato nasarakanna ti maysa a lakay nga agbugbugsot, a naipaidda iti rabaw ti bato; indurusna ti bayoneta na iti bagi na, ngem daydi lakay saanen a nagkirem: silalansa dagiti matmata na ken Karolino, daydi nga ikikita di masao, ket iti daydi nakatultulang a ima na adda itudtudo na iti likudan dagiti batbato.
Timmaliaw dagiti sosoldado ket nakitada ni Karolino, a nakakigkigtot ti bessag na, singanganga ti ngiwat na ket kadagiti matmata na kasla tumtumpaw ti maudi a rissik ti nakem na. Ni Karolino, a di ket sabali no di ni Tano,
