- 341
danag ken uliteg na: ni Padre Florentino nalipatanna amin,
ket isuna la a nalagipna ti kasasaad ti masakit, dagiti rebrebbeng na, kas namasangbay, ket mabuungan unay piman ti
ulo na. ¿Rebbengna nga ilemmeng tapno mailisi iti panangdusa ti Linteg? Ngem no ti pay seknan na saan a madanagan: umis-isem. . .
Dagitoy ti panpanunuten daydi naimbag a lakay idi adda napan a ubing a nangibaga kenkuana a ti masakit kayatna a kasarita. Simbrek iti dumna a siled, maysa a nadalos ken mayangyangyangan unay a siled, a ti datar na, akakaba a kaykayo, a nakasilsilap ket nakalinlinis, adda dadakkel ken nadagsen a tugtugaw, a kadaanan, awan barnis, awan dibujo da. Iti maysa a suli, adda pagiddaan a ballatinaw nga adda uppat a patakder na a mangsarapa iti balangat ti salaknib kadagiti lamlamok, ket iti abay na, adda maysa a lamisaan a yan dagiti botbotelia, ken luplupot a pagbedbed. Ti pagparintumengan nga adda iti sakaanan ti maysa a Santo Kristo ken ti pagyanan dagiti saan unay nga ado a pagpagbasaan, isuda ti mangted iti atap a daydi, iso ti siled ti apo padi, nga intedna iti sangaili na, kas kadawyan dagiti pilipino, nga itedda iti mapan sumangbay ti kasayaatan a kanen, ti kasayaatan a siled ken ti kasayaatan a pagiddaan iti balay. No makita dagidi silulukat a tawtawa a naiwakwak a nalaing tapno sumbrek nga awan sipar na ti makaited salun-at nga angin ti taaw ken ti aweng ti awan patingga na nga asog na, awan sadi Pilipinas ti agkuna nga adda masakit, ta kadawyan sadiay a maripkan amin dagiti tawtawa ken dagiti kababassitan nga ar-aragaag apaman nga adda maysa nga agpanateng wenno agsakit ti ulo na uray nalag-an unay.
Ni Padre Florentino kimmita iti pagiddaan, ket napalalo ti kigtot na piman, ta inna nakita a ti rupa ti masakit napukawna ti kinatalna ken kinalais na. Maysa a sakit a nalmeng ti kasla mamagkuribetbet kadagiti kidkiday na; ka dagiti matmata na, mabasa ti gagar ket dagiti bibbibig na umis-isemda iti nasakit.
—Marigatankayo, apo Simoun?—sinaludsod a siaayat day di padi, nga immasideg.
—Sangkabassit, ngem iti uneg ti mabiit a kanito, agsardengto nga agtuuken!—insungbatna, a pinagkutina ti ulo na.
Ni Padre Florentino pinagakubna dagiti dua nga imima na, a sikikigtot, ta kasna naawatan ti maysa a nakabutbuteng a pudno.
—¿Ania ti inaramid yo? Dios ko! ¿Ania ti ininom yo? —ket inwayatna ti imana iti yan dagiti botbotelia.
