342
—Dikay agbanbannog! awan sabali a pamuspusan! — insungbatna, ngem immisem iti nasakit:—ania kuma ti kayat yo nga innak inaramid? kasangwanan ti panagpatit ti maikawalo nga uras. . . Sibibiag wenno natay. . . Natay, wen, ngem sibibiag, saan!
—Dios ko, Dios ko! eAnia ti inaramid yo?
—Agtalnakayo!—pinagsardeng ti masakit iti maysa a garaw;—ti nalpas, nalpasen. Saan ko a rebbeng ti mayawat a sibibiag iti ima ti si asino man. . . mabalinda nga akkalen ka niak ti palimed ko. Saan kay a madanagan, saan yo a bubuungen ti ulo yo, agbanbannugkay laeng. . . Denggendak! umapay ti rabiin ket awan kanito a dadaeien. . . masapulko nga ibaga kadakayo ti palimed ko, masapulko nga italek kadakayo ti maudi a pakinakem ko. . . masapulko a makitayo ti biag ko. . . Itoy kangitingitan a kanito, kayatko a yedso ti mangdagensen kaniak nga amit, kayatko a malawagak ti maysa a duadua. . . Dakayo, ta mamatikay unay iti Dios. . . kayatko nga ibagayo kaniak no adda Dios!
—Ngem, maysa a panukal iti gamot, apo Simoun.... Adda apomorpma, adda eter, kloropormo. . .
Ket daydi apo padi kinayatna a sinapol ti maysa a botelya ingga na iti inpukkaw ni Simoun a sigaganat:
—Banbannog. . . banbannog! Saan yo a dadaeien ti ka nito! Matayakto a kaludludunko ti palimed ko!
Daydi apo padi, a dina ammo ti kukuen na, naiparintumeng iti pagparintumengan, nagkararag iti sakaanan ti Santo Kristo, nga inakkubanna ti rupa na kadagiti im-ima na, idi kuan, timmakder a siraranga ken sidedenggang a kasla itay inna inawat iti Dios na amin ti bileg, amin ti dayag, amin ti turay ti Ukom dagiti puspuso. Nangyadani iti maysa a tugaw iti uluanan ti masakit, ket dimngeg.
Kadagidi umuna a sasao nga indayamudom ni Simoun, idi inna inbaga ti napudpudno a nagan na, daydi lakay a padi nagliad ket inna kinita a sikikigtot. Ti masakit immisem iti napait. Gapo iti inna pannakaklaat, daydi apo padi, ta tao met, saan na a naterred ti bagi na, ngem iti nabiit, natngelna, inabbunganna ti rupa na iti maysa a panio, sinublianna nga inyasideg ti rupa na iti masakit, ket dimngeg.
Ni Simoun inna sinarita ti nakaladladingit a biag na, no kasano ti naaramid idi, sangapulo ket tallo a tawenen, idi ta naggapo sadi Europa, a sipupunno iti inanama ken naragsak a parmata, inda kuma makiasawa iti maysa a balasang nga ay-ayatenna, sisasagana nga agaramid iti naimbag ken mamakawan kadagiti amin a nagaramid kenkuana iti dakes, no la
