Isuda amin kinitada ti Kapitan; ni laeng Simoun ti saan, ta intaliawna ti ulo na iti sabali a kasla adda inna sapsapulen iti igid.
-Ay wen-kinuna ni dunia Victorina,-¿adino, Kapitan? ¿Awan ngata ti tugot na iti danom?
Daydi naimbag a tao nagkiray iti namin-ado, pakapnekan a napalalo ti adina kuma a sumungbat, ngen idi makitana ti gagar kadagiti amin a matmata, napan iti proa ket inmalangana dagiti matmatana iti igid.
-Kumitakay sadiay, - kinunana a siinayad unay, nga apaman la no nangngeg, kalpasan ti panangpennek na nga awan sabali a tattao;-kas kuna daydi kabo a nangipangulo kadagiti nagkamat, ni Ibarra, idi makitana a nalakuben, nagtapuak iti banka, idiay asideg ti Nabulas (Kinabutasan) ket langoy a langoy ingga na iti dina nalasat dayta a kalawa, nasurok a dua a milia, a lugayan dagiti balbala tunggal itaudna ti ulo na nga umanges. Sadiayen, saan da a nasurutanen, ket iti ad-adayo pay bassit, iti asideg ti igid, nakasarakda iti kas kan la dara... Ket ita pay met ket, ngarod! apagiso la unay a maikasangapulo ket tallo a tawen a naaramid daydi.
-¿No kasta, ti bangka na?...-sinaludsod ni Ben-Zayb.
-Immay timmipon iti bangkay daydi ama na,-insungbat ni Padre Sybila;-di met maysa pay a pilibustero, Padre Salvi?
-Dagita ket ti kuna a punpon a nalaka, Padre Camor ra, dania, a?-kinuna ni Ben-Zayb.
-Kanayon a inbagbagak a pilibustero dagiti saan nga agbayad iti punpon a narambak,-insungbat ti nasaludsudan, a nagkatawa iti naragsak unay.
-Ngem, Jania ti makuna yo, apo Simoun?,-sinaludsod ni Ben-Zayb, idi makitana daydi joyero a di makakuti ket sipapanunot. Maulawkayo, dakayo a managlaylayag, ket iti sangkatedted a danom a kas ti daytoy?
-Kunak ngamin kadakayo,-insungbat ti Kapitan, a nagangayanna ti kasta unay a panangayatnan kadagiti amin dagidi a disdisso,-adikay nagnaganen daytoy iti sangkatedted a danom; dakdakkel ngem ti uray ania kadagiti dandanaw sadi Suiza ken amin pay nga adda sadi Espania, uray agtitipunda; nakakitaak kadagiti lallakay nga aglaylayag a naulaw ditoy.
