- 53
di ket nangan-ano,—iti daytoy met la a disso, idi inkay intabon
ti bangkay daydi inak, ket nagasatakto kuma unay no mabalinko met ti agpaay kadakayo.
Ni Simoun, a dina ket insina dagiti matmata na iti bumaro, innalana iti bulsa na ti maysa a rebolber. Nangngeg ti maysa a rittiik, a kasla paltog a maisagana.
—Asinuak iti panangipapan yo?—kinunana, a simmanod iti dua nga aksaw.
—Maysa a tao a napateg kaniak,—instmgbat ni Basilio, a naisnekan bassit, ta inpagarupna a dimtengen ti rnaudi a kanito na;—maysa a tao a pagarupen amin dagiti tattao, malaksid kaniak, a natayen, ket ti kinadaksanggasat na inayay-ayko a kankanayon.
Nainget a ulimek ti simmaganad kadagitoy a sasao, ulimek a kasla agnanayon iti panangipapan daydi bumaro. Ni Simoun, nupay kasta, kalpasan ti nabayag a panagngata-ngata, inasitganna, inpatayna ti maysa nga ima na iti abaga ni Basilio, ket kinunana, a timek na ti namigerger:
—Basilio, ammuyo ti maysa a palimed a mabalin a mamukaw kaniak, ket ita, natakuatandak manen iti sabali a mamagbalin kaniak a maminpinsan nga adda kadagita irnima yo, ket ti pannakaibutaktak na mabalinna a dadaelen amin dagiti panpanagem ko. Gapo ti talged ti biang ko ken gapo iti pagimbagan dagiti pangpanggepek, rebbengko kuma nga apputen ingga na iti ingga na dagita bibbibig yo, ta, ania aya ti biag ti maysa a tao iti saklang ti banag a gamgamgamak? Ti kanito, nasayaat unay kaniak, awan makaainmo nga immayak ditoy, adda igam ko, dakayo awan; ti ipapatay yo ipaaramiddanto ka dagiti agar-arang, no saan a iti sabali a gapo a di maawatan. . ., ket, nupay kasta, bay-ankayo, nga agbiag, ket agtalekak a diakto pagbabawyan. Dakayo, nagbannugkayo, nakibakalkayo a siigam iti nakired nga anos. . . ket kas kaniak, adda met utang a singirenyo kadagiti tattao; daydi adiyo pinapatayda, daydi inayo pinagmauyungda, ket dagiti tattao dida inan-ano daydi namapatay ken daydi berdugo. Dakayo ken siak naibilangtayo ka dagiti mawaw iti linteg, ket, maiparbeng nga agtinnulungtayo, a saan ket nga agdinnadael.
Ni Simoun simmardeng, a linemmesna ti maysa a seunaay, sana intuloy a sibabannayat a dagiti matmata na kas dida ammo ti inda turturungen.
—Wen, siak daydi immay ditoy, idi maikasangapulo ket tallo a tawen itan, a masakit ken nakakaasi, nga immay nangiruknoy iti rnaudi a daton iti maysa a naindaklan a kararua,
