daw. Dagiti rikrikna, naimbag man wenno dakes, pagtawintawidan ket ited dagiti nagannak kadagiti annak da. !Agbiagda, ngarod, dagita panpanunot yo a di agbalin, agbiagda
dagita tagtagainep yo a tagtagainep ti adipen, nga awan sabali a dawatenna no di sangkapirgis a rigis a pangbungunna
iti kawar na, tapno di unay kumliing ket dina met danaren
ti kudil! Dakayo tarigagayanyo ti maysa a bassit a balay.
ken sangkabassit a nam-ay; maysa nga asawa ken sangkakammet a inapoy! Addayta man ti tagtagainepen a tao ditoy Pilipinas. Naimbag; no ipabus-uyda kadakayo, makunayunto
a nagasatkayo.
Ni Basilio, a naruam a mangtungtungpal ken mangsagsagaba kadagiti amin a kaykayat ken kinkinadakes ti ulo ni Kapitan Tiago, ket gapo pay ta nailabeg ken Simoun, iso nga agparang kenkuana a nakabutbuteng ken nakaam-ames, a kasla tumaod iti maysa a disso a nasibugan iti lua ken dara, kinayatna nga inlawlawag ti kasasaad na ket kinunana a dina pagarupen ti bagi na a kabaelan na ti bumiang iti pannakaurnos ti pagilian, kinunana nga awan pay ti mabalin na a sawen, ta dina pay inadal daydi a banag; ngem ket di, kanayon a sisasagana a mangipaay iti bagi na, no masapol; kinunana pay a kadagidi nga al-aldaw, maysa laeng ti makitana a masapol unay, iso ti pannakasursuro ti Hi, ken no ania pay a inna inbagbaga. Ni Simoun ginupedna dagiti sasao na iti maysa a garaw, ket gapo ta nganngani aglawagen, kinunana:
—Gayyem, diak kadi ingunamgunam kadakayo ti inkay panangsalimetmet iti palimed ko, ta ammok a ni annad iso ti maysa kadagiti naimbag a kababalin yo, ken uray pay no kayatdak a ilako, ni joyero Simoun, ti gayyem dagiti agturturay ken dagiti praile, adaddanto la a patienda ngem ni agad-adal a Basilio, a maat-atapen a pilibustero, bumusbusor ka dakuada, ta idinto ta maysa laeng a indio, agpatak ket maipadpaduma, ken gapo pay ta iti pinilina a pagsapulan, aduda dagiti mannakabalin a inna kasalisal. Nupay kasta. nupay diyo kinayat a sinubalitan dagiti in-inanamak, inton dumteng ti aldaw a panagbalbaliw ti panunot yo, umaydakto sapulen iti balay ko idiay Eskolta, ket siaayatakto unay nga agpaay kadakayo.
Ni Basilio nagyaman iti ababa a sarita ket immadayo.
—Nagriruak ngata iti innak sinagid?—indayamudom ni Simoun idi ta maymaysan;—eagduadua ngata kaniak, wenno napalalo a panangilimedna iti panpanunuten na nga ibabales a kabutengna pay a italek iti kaulimkan ti rabii? Wenno
