lusot man a kasla agsursuro nga aganop? Anianto ti kuna
dagiti indio, a kaduada, addada met panglaingen a umanop? Agpeggad ti Daga a nakayanakan a rebbengna a di
masinasina. . .
Iso ti gapo na a ni Ekselensia, nga immisem iti kasla isem ti kuing ket kas la itay maysa a mangan-anop a napaay, inbilinna ti madagdagos a panagsubli da sadi Los Banios, ket iti bayat ti pannagna da dina nalipatan a sinarsarita dagiti balballigi na kadagiti pagan-anupan sadi Espania, a daytay kas la dina unay ibilbilang dagiti pagan-anupan sadi Pilipinas, iso a maitutop unay a ibagana iti daydi a kanito. jPse! Dagiti pagdidigusan idiay Dampalit (Daan paliit; dalan a umilet), dagiti pagin-inuduan iti igid ti danaw, ti tresilio iti palasio ken ti pay ipapan sagpaminsan iti asideg a danom nga agtapuak, wenno iti danaw dagiti bu-buaya, ad-ado ti pangawis da ket basbassit ti peggad a itedda iti Daga a nakaya nakan.
Iti arinunos ti Disiembre, adda ni Ekselensia iti salas a makiay-ayam iti tresilio, a pagur-urayanna iti panangaldaw. Kaddidigusna, imminom iti kadawyan a sangabaso a digo ti niog ket nangan pay iti lulukuten, ket idi, iso ti kasayaat ti nakem na nga agipaulog iti asi ken parabor. Maysa pay a mangnayon iti ragsak na ti inna panangab-abak, ta da Padre Irene ken Padre Sibyla a kaay-ayamna, uray da la kakaasi a mangpanpanunot iti saan a madmadlaw a panagpapaabak da, iso a mamagpungtot met unay ken Padre Camorra, a gapo ta sangsangpetna iti daydi a bigat, dina ammo no ania ti panggep da nga aramiden. Daydi praile nga artiliero, ta ipaypaysuna ti makiay-ayam ket napalalo a panangipasnekna, uray la lumablabbaga ket kagkagatenna dagiti bibbibig na tunggal mailiwda wenno dumakes ti patang ni Padre Sibyla ngem awan maituredna a sawen gapo iti panagraem na iti daydi dominiko; ngem ni Padre Irene iso ti pagipapasan na, ta iti panangipapan na, maysa laeng a nababa ken managlangis ket inna lalaisen ti kinagubal na. Ni Padre Sibyla dina pay kitaen; baybay-anna latta nga agpungtupungtot; ni Padre Irene, ta napakpakumbaba, ikagkagumaanna ti agpakawan ket ap-aprusanna ti murdong ti atiddog nga agong na. Ni Ekselensia agay-ayam a makaay-ayat ket gapo ta nalaing a makiay-ayam, kas ipalpallayaw daydi kanonigo, ammuna a paglak-aman dagiti pagrirriruan dagiti kasugsugal na. Saan nga ammo gayam ni Padre Camorra nga iti rabaw daydi bassit a lamisaan, adda a pagay-ayaman da ti pannakawarwar
