Om een goeden Preangerschen tekst te hebben, zou men eigenlijk hetzelfde verhaal moeten laten doen door een paninggaran uit die residentie.
Ik hoop evenwel, dat men mijne proeve voor lief zal willen nemen en dat ik daarmede — al zij het ook in geringe mate — mijn doel moge bereiken, namelijk om hier te lande de belangstelling op te wekken voor het ongelukkige Bantĕn, dat in de laatste jaren zoo'n treurige vermaardheid heeft gekregen.
Asalna koering nampi timbalan djoeragan tjamat Moendjoel, jen koering kĕdah leumpang ka Panimbang; harita mënëran dintĕn salasa, geus hilap boelanna sarĕng tanggalna.
Isoekna dintĕn rĕbo bral koering leumpang ka Panimbang, ngabantoen djalma rejana gĕnĕp poeloeh, sarĕng hidji loerah, wasta poen Asdoera, nja eta anak koering.
Barang koering dongkap ka Panimbang, njampak djoeragan patih Tjaringin di boemi djoeragan wadana.(52)
Ladjĕng koering ngadeuheus ka djoeragan wadana sarĕng ka djoeragan patih.
Doepi timbalan djoeragan patih: Ajeuna maneh, Bapa Asdoera, hade njijar baris mondok bae.
Seg koering mondok di masigit. Doepi isoekna dintĕn kĕmis koering diadjak leumpang ka Tjitĕngah, ngiring djoeragan patih sarĕng djoeragan wadana. Ari djalma noe gĕnĕp poeloeh teja mah hĕnteu dibantoen, ditilarkeun di Panimbang bade ngadjaga di pakĕmitan.
Noe ngiring djoeragan patih mah ngan oepas-oepas bae.
Dintĕn harita ngan dongkap ka lĕmboer Djadjawaj, pĕrnahna sakalereun Tjitĕngah. Ladjĕng ngarĕrĕb sawĕngi.
Di dinja njampak djoeragan tjamat Katoembiri sarĕng djoeragan tjamat Tjiseureuheun, njarandak pirang-pirang djalma, sami sajagi pakarang, sapĕrtos bĕdil, golok, toembak, bĕdog, balijoeng, patjoel sarĕng pakarang salijan ti dinja.
Isoekna dintĕn djamahat sadajana djalma arangkat ka pasir Hoeloe Gawan, sakalereun Tjitĕngah. Barang parantos koempoel sadajana di pasir Hoeloe Gawan, ladjĕng djoeragan patih miwarang meuleum mĕnjan ka hidji hadji wasta poen hadji Baris, tina pĕrkawis rek njatjar di pasir Hoeloe Gawan bade ngadamĕl saoeng pasagi.
Saparantos eta hadji ngoekoes, ladjĕng sadajana djalma-djalma njalatjar lĕgana kintĕn toedjoeh poeloeh toembak pasagi.
