Page:Tulu Patero 2017bmr.pdf/125

ಕುಕ್ಕು, ಪೆಲಕಾಯಿ, ವಿರೊಆಗೆ, ಪುಣ್ಯದಮರ, ತೋಟ ಮಾಳದ್ ಬೊಂಡ, ತಾರಾಯ. ಬಾರೆದ ಪರಂದ್, ಗುಜ್ಜೆ ಪೆಲಕಾ ತಿನ್ನೊಂದುತ್ತಿನಕುಳು. ಏರಾಳ ಬಚ್ಚಿರೆ, ಬಟ್ಟೆ, ಸುಣ್ಣ, ಬೆರಸಾದ್, ಬಾಯಿ ನಿಲುಕೆ ಅಡ್ಡಿಯೊಂದು ಇತ್ತಿನಕುಳು. ಮುಹೂರ್ತ ತೂವರೆ,ವಾಗ್ದಾನ ಕೊರೆರೆಗ್, ದೇವೆರೆಗ್ ಸಮರ್ಪಣೆ ಮಾಳರೆ ಬಚ್ಚಿರೆನ್ ಯೋಗ್ಯವಾದಿತ್ತಿನ, ಸರ್ವ ಜಾತಿಲೆಗ್ ಒಂಬುನ ವಸ್ತು ತಾಂಬೂಲ ಇಂದ್‌ ತೆಲಬತ್ತಿನಕುಳು. ಕಡಲ್ಲ ಕೆಲಸೊಡು ತೆಪ್ಪ, ಓಡಾ, ಪಾಂಠಿ, ಪಡವು, ಮಚ್ಚುವಾ ಮಂಜಿ, ನಗ, ನಾವೆ, ಕಪ್ಪಲ್,ಹಡುಗು ಕಟ್ಟಿದ್ ಜಳ್ಳ ಪಲಾವುದಂಡ, ಚುಕ್ಕಾಣಿದ ಉಪಯೋಗ ಗೊತ್ತಿತ್ತೋದ್, ಎರ್ತ, ಜಪ್ಪೆಲ್, ತಿಂಗೊಳು ಮೂಢನೀರ್, ತಿಂಗಳೂ ಕಂರ್, ಅಆವೆ. ಬಂದರು. ಬೆಂಗರೆ, ಅಮಾಸೆ, ಸುಣ್ಣಮೆ, ಅಂಕುಳೆನ ಪೂವೆ ಇತ್ಯಾದಿ ಗೊತ್ತಿತ್ತಿನಕುಳು, ಎಡ್, ತಾರಾಯಿಡ್ ಎಣ್ಣೆದೆಪ್ಪುನ, ಬಾರ್ದ ಬಜಲ್.ಕುರ್ಲು, ಪೊದ್ದಲು.ಇತ್ಯಾವಿಲೆಗ್ ಮಾಳ್ವುನ ನೂಲುದ್ಧ ಕುಂಟುನೆಪಿನ, ಮಣ್ಣಿಡ್ಸ್ ಕರೊ, ಸಲೆ.ಕುಪ್ಪೆ ಮಾಳ್ಳುವ, ಬೂರ್ದ ನಾರ್ಡ್,ಪಾಂಡೊಲ್ಡ್ ನಲಿಕೆಡ್, ಬೆತ್ತದ ತಲಕೆಸ್ಟ್ ಕುರ್ವೆ ಪುಡಾ, ಕೈಪುಡಾಯಿ, ಕಾಂಬೆ ಮಾಳ್ವುನಮೋಪುದ ಮರೊಡ್ ಮುಕ್ಕಲೆ,ಪೆರದಾನೆ,ಮುಟ್ಟುಗತ್ತಿ, ಮಣೆ, ಇಲ್ಲಾಗ್ ಬೋಡಾಯಿನ ಕಂಠಿ,ಬಾಕಿಲ್, ದಾರಂದ, ಪಕ್ಕಾಸ್, ಲಂಪು, ಜಂತಿ, ನಿರ್ಮೊಗಪ್ಪುನ ಮರಾ, ಅ ಲಪ್ಪುನ ಕಳಸೆಬಳ್ಳ ಇತ್ಯಾದಿಲೆನ್ ಮಾಳ್ಳುವ ಮರಗೆಲಸಲಾ ಗೊತ್ತಿತ್ತಿನಕುಳು. ನಾನಾ ದೇವೆರೆನ್, ಭೂತ, ದೈವೊಲೆನ್, ನಾಗೆ,ಪೆತ್ತೊ ಇತ್ಯಾದಿಲೆನ್ ಪೂಜೆ ಮಾಳ್ಳುವ ತಂಬಿಲ, ನೇಮ, ಕೋಲ,ಡಕ್ಕೆದಬಲಿ, ನಾಗಮಂಡಲ, ಅಂಕ, ಆಯನ, ತೇರ್ ಇತ್ಯಾದಿಲೆನ್ ನಡಪಾವೊಂದು ಇತ್ತಿನಕುಳು. ಪಟ್ಟಪರಕೆ, ಪುದೆ, ವಂತಿಗೆ ಕೊರ್ಪಿನ, ನೀತಿದ ಕ್ರಮ ಇತ್ತಿನಕುಳು, ಕಂಬಳ, ಕೊಲಿದಂಕ, ತೆಪ್ಪಂಗಾಯಿ, ತಾಳಮದ್ದಳೆ, ಇಲ್ಲಿ ಚಟುವಟಿಕೆ ಇತ್ತದ್, ದಶಾವತಾರದ ಆಟ, ನಾಟಕ ತೂಪಿನಕುಳು, ಓಮ, ಮಂತ್ರ ತಂತ್ರ ಮುಖಾಂತರ ಢಣಢಣ ಜಾಗಂಟೆ ಬಾರ್ನೊಂದು, ಗಮಗಮ ಕಮ್ಯನದ ಮಲ್ಲಿಗೆ ಪೂವು ಸಿಂಗಲಿಸಾದ್ ದೇವರೆವರ್ತಿ‌ ಮಂಗಳಾರತಿ ಮಾತ್ತೊಂದು,ಕೂಜ್ಯರ ಜನಮಾನಿಗ್ ಗಂಧ ಪಿರ್ಸಾದ ಕೊರ್ದು, ಬಜಿಲ್- ಪೊದ್ದೊಬ್ಬ ಪಂಚಕಜ್ಜಾಯ ಪಟ್ಟದ ಕಡಪುನಂಚಿನ ಗ್ರಾಮದೇವತೆನ್‌ ಶೃದ್ಧೆಡ್ ನಂಬುನಕುಳು, ಪಂಚಾಂಗ ತಯಾ‌ ಮಾಳ್ವುನ, ಯುಗಾದಿ ಪಲೊನು ತೆಲಪಾವುನ ರೂಢಿಲಾ ಇತ್ತಂಡ್. ಹಳು ಪಾಪರೂ 124