Page:Tulu Patero 2017bmr.pdf/16

ನಮಾನಿಗ್ ಕಥೆ ಇಪ್ಪುನಂಚ ಪಾತೆರೊಗೊಂಜಿ ಕಥೆ. ಆಂಡ, ಇಂದ್ ನಂಮ ತುಳುವ ಪಾತೆರೊದ ತೆಲಿಯೊಂಟನ ಕಥೆ. ಮಲ್ಲಪುದ‌ ಪಡೆತ್ತಿನ, ಕರ್ನಾಟಕ ರಾಜ್ಯೋಡು, ತೆಂಕಾಯಿ-ಪಡ್ಡಾಯಿದ ಕೊಂಟುಡ್, ಮರ್ಯಾಲ ಸುರುವಾ ಪಿನ ಮುಂಗಾರ್ದ ತೀರ ಪ್ರದೇಶ, ಮಲೆನಾಡ್-ಕಡಲಬಲಿತ ನಡುವೆ, ಪಡ್ಡಾಯಿ ಬಾನೊಡು ನೇಸರ ಕಂತುನ ಪೊರ್ಲುನ್ ತೋಜಾವುನ ಕರೆನಾಥ್ ಈ ತುಳುನಾಡ್, ತುಳು ಪಾತೆರೊದ, ತುಳುವೆರೆ ನಾಡ್. ಈ ತುಳುವ ಕರ್ನಾಟಕದ ಒಂಜಿ ಜಾನಂಗಿಕ ಆಡುಭಾಷೆ (dialect) ಇಂದ್‌ ಪಾಕ ಮಂದಿ ತೆಲಿದುಳ್ಳೆ‌, ಅಂಕ್ ತುಳು ಪಾತೆರ್ಪಿನಕುಳು ಪುಣಿ ಅತ್ತೆ ತುಳುವ ಭಾಷೆ ಸ್ವತಂತ್ರ ಭಾಷೆ ಅತ್ತ ಇನ್ನಿನಕುಳು ಬೆತ್ತ ಕೆಲವೆರ್, ಅಂಟ್ ಸತ್ಯದಾನೆ? ತುಳು-ಕನ್ನಡದ ಸಂಬಂಧ ದಾನೆ? ತುಳುವ ಶಬ್ದಲು ದಾಯೆಗ ಸಾಹಿತ್ಯರೂಪೊಡು ಬೆಳಗಂದೆ ಈತನಟ ಪೊಯಾ? ಅಂಬಕ್ಕಲಾ ದ್ರಾವಿಡ ಭಾಷೆ ಸಂಸ್ಕೃತದ ಮೂಲ ಭಾಷೆಲು, ಅಥವಾ ಸಂಸ್ಕೃತ ಜನ್ಯ ಭಾಷೆಲೆಗಲಾ ಹೊಲಕೆ ವ್ಯತ್ಯಾಸ ದಾವೆ? ಮುಖ್ಯವಾದ್ ತುಳುಕ್ ಅಂತವೇ ವ್ಯಾಕರಣ ಉಂಡಾ? ಇಪ್ಪುನಾಂಡ, ಸಾಹಿತ್ಯ ರಚನೆಗೆ ಅವು ಸಮರ್ಪಕ ರೀತಿಡ ಒದ‌ ಬರುವಾ? ತುಳುತ ಚರಿತ್ರೆ ದಾನ? ಅ‍ಯಿಕ್ ಆಧಾರ ದಾನೆ? ಅಕಲಾ ತುಳುವ ಸಂಸ್ಕೃತಿಗಳಾ ಅಂಚನೇ ಭಾರತದ ಸಮಗ್ರ ಸಂಸ್ಕೃತಿಗಲಾ ಸಂಬಂಧ ದಾನೆ? ಇನ್ನೂ ಕೆಲವಾರ್ ಸಂಗತಿಲೆನ್ ಈ ನಂತ್ರದ ೧೯ ಪ್ರಕರಣೋಲೆಡ್ ಪಣ್ಣುವವಾದುಳ್ಳ. ೦೧. ಈ ಮುದೆಲ್ದಾತೆರೊಡು ಕೆಲವು ಮುಖ್ಯ ವಿಷಯಲೆನ್. ಪ್ರಾಮುಖ್ಯವಾದ್ ಕನ್ನಡ ಅಪಿಟ್ ತುಳು ಪಾತೆರೊನು ಓದುವ, ಬರೆಪಿನ, ಪಿಸ್ಸಾವುನ ರೀತಿ ಎಂಚ, ಇಂದ್‌ ತೆಲಿಪಾದ್, ಓದುನಕುಳು ಈ ನಂತ್ರದ ಪ್ರಕರಜೊಲೆಡ್ ಬರೆತಿನ ವಿಷಯ ಪೂರ್ಣ ಗ್ರಹಿಕೆ ಪಡೆವೆರೆಗಾವೊಡು ಇನ್ನಿ ಇರಾದೆ ರಡ್ ಪಾತೆರೊ ಪಣೋಡಾಪುಂಡು. ಬರಹೆಗಾರೆ ಓದುನಕಳೆನ್ ಇಂಚೆನೇ ಓದುಲೆ, ಅಂಚನೇ ಓದೊಡು ಇಂದ್‌ ಪಣ್ಣುವವತ್ ಅಂಡಲಾ, ಈ ದೃಷ್ಟಿಕೋನೊಗು ಮೀರ್ದ್, ಈ ಬರಹಗಾರನ ಸ್ವಭಾವೊದು ವ್ಯತಿರಿಕ್ತವಾದ್, ಪಣೋಡಾಪುಂಡಾ, ಅಯಿಕ್ ಕಾರಣ ತುಳುವ ಪಾತೆರೊದ ಉಚ್ಚಾರದ ವಿಶಿಷ್ಟ ದಾನಿ 15 ಬುಧಾನಂದ ಶಿವಳ್ಳಿ