Page:Tulu Patero 2017bmr.pdf/163

ಕ್ರಿಯಾರ್ಥ ಧಾತು: ವಿವರಣೆ 9.20 ಕ್ರಿಯಾರ್ಥ ಧಾತು : ಕ್ರಿಯೆ ಸಾಗುವ ಅರ್ಥದ ಮಿಫ್ ಕ್ರಿಯೆತ ಅರ್ಥ ತೆಲಿಪುನಿ ಆ ಕ್ರಿಯೆನ್ ಸೂಚನೆ ಮಾಳ್ಳುವ ಮೂಲರೂಪೊಡು. ಉದಾ: ಒಲಿ ಯಜಮಾನೆ ಆಳ್‌ಗ್ ಪಶ್ನೆ: " ಆಯನ್ ನೋಪುಲಾ ಇಂದ್‌ದ್‌. ಆಳ್‌ಗ್ ಅಯಿತ ಅರ್ಥ ತೆಲಿಪುಜಿ ಇನ್ನ. ಅಪಗ ಎಜಮಾನೆ ಪ: " ಆಯಗ್ ಹಾಕ್‌ಲಾ " ಈ ಹಾಕ್ ಪದ ನೋಪು ಶಬ್ಧದಾತ್ ಅರ್ಥ ಕನಪುಜಿ. ನೋಪು ಪದತ ಧಾತು ರೂಪದ ಅರ್ಥ- ನೋ, ಇನ್ನಗ ಬೇನೆ, ನೊಪು ಇನ್ನಗ ಬೇನೆ ಮಾಳು. ಪದತ ಅರ್ಥ ಇಂದೆಕ್ ಸಮಾನಾರ್ಥವತ್ತ. ಪಾಡ್,ಕೊರು,ದರ್ಪು ಇತ್ಯಾದಿಲೆಗ್ ನೋಪುದ ಸರಿಸಮಾನವಾದಿತ್ತಿನ ಅರ್ಥವಿಜ್ಜಿ. ಇಂಚ ಅರ್ಥ ಸರ್ಮಪಕ ದಾಂತಿನ ಕ್ರಿಯಾಪದಲೆಡ್ ಕೆಲಸ ಕೆಟ್ಟುವ ಸಂಭವವೇ ಎಚ್ಚಿಗೆ. 9.21 ತುಳುಬ್ ಮೂಲದ್ರಾವಿಡದ ಅನೇಕ ಕ್ರಿಯಾಧಾತುಲು ಕ್ರಿಯಾಪದ ಪ್ರಯೋಗದ ನಿಮಿತ್ತ ಉಚ್ಚಾರ ಬದಲಾವಣೆ ಆತಿವಲಾ ಉಂಡು. ಮೂಲದ್ರಾವಿಡ–ಹಳೆಗನ್ನಡದ ಸಂಪರ್ಕ ಕಡಿದ್ ಬತ್ತಿನ ಪೊರ್ತುಡ್ ಉರ್ದು ಪಾರ್ಶಿ, ಹಿಂದೂಸ್ತಾನಿ ಕೆಲವಾರ್ ನಾಮಪದಲು (ಅಂಗ-ಪುಂಗ ಪದಲು: 6. ಶಬ್ದ ಪ್ರಕರಣ: ತೂವೊಅ) ತುಳುಟು ರೂಢಿಯಾದ ಅಕುಳೆಡ್, ಪ್ರಾಕ್ಟ ಕ್ರಿಯಾಧಾತುಲು ಅರ್ಥ ಹೆಲಿಯಂದೆ. ಉಪಯೋಗದಾಂತೆ ಪೋಯಾ, ನಾಮಪದಗ್ "ಅಂಡ" ಇಲ್ಲಿ ಕ್ರಿಯಾಪದ ಸೇರಾದ್, ಉರ್ದು ಶಬ್ದಲು ರೂಥಿಗ್ ಬತ್ತ ಕ್ರಿಯಾಪದಲಾತ. ಉದಾ: ಶೌಕ್ ಸೋಕು, ಸೋಕಾಂಡ್ ಇನ್ನಿ ಕ್ರಿಯಾಪದ ಪೊರ್ದುಳ್ಳ [ಶೌಕ್=profiligate, ದುರ್ವ್ಯಸನ ಇನ್ಸಿ ಅರ್ಥಲಾ ಉಂಡು, ಉರ್ದುದ ಮೂಲಾರ್ಥ ತುಳುಟು ಬದಲಾತ್‌ಂಡ್]. ಅಂಚನೆ. ಖುಷ್ ಕುಲ. ಶುರು>ಸುರು -ಇಂಚಿನ ಉರ್ದುಪದಕುಲು "ಆಂಡ್" ಇನ್ನಿನ ತುಳುಪದ ಸೇರ್, ಕುಲಯಾಂಡ್, ಸುರುವಾಂಡ್ ಇನ್ಸಿನ ಕ್ರಿಯಾಪದಲಾತ. ಇಂದ್ ನಡತ್ತಿನಿ ಉರ್ದು-ಹಿಂದೂಸ್ತಾನಿ ಅರಸ್ಥಾನದ ಭಾಷೆಯಾದ್, ಕೋರ್ಟು, ಕಛೇರಿ, ವ್ಯವಹಾರ ಆ ಭಾಷೆಡ್ ಇತ್ತಿನ ಕಾಲೊಡು. ಸಹಚರ್ಯಡ್ ಬತ್ತಿನಾ ಈ ಕ್ರಿಯಾಪದಲು ತುಳುಟು ದುಂಬುಡೇ ಇತ್ತಿನ ಶಬ್ದಲು ತಪ್ಪರೆ ಕಾರಣವಾಯಾ. ಮೂಲದ್ರಾವಿಡದ ಕ್ರಿಯಾಧಾತುಲು, ತುಳುಟು ಉಚ್ಚಾರ ಮಾರ್ಪಾಬಾದ್, ಅರ್ಥತೆಲಿಪಾವುನವಾದ್ ಅಂಚಿನ ಸುಮಾರಾದ್ ಐನೂದೆಗ್‌ಲಾ ಮಿಕ್ಕಿದನ ಧಾತುಲೆನ್ ಅನುಬಂಧ 4ಅಡ್ ಕೊರ್ತುಂಡು. ಅಂಚನೆ, ಸಂಸ್ಕೃತದ ಮೂಲಧಾತುಲೆನ ಅರ್ಥವಿಸ್ತಾರ ಪಿನ್ದಾವುನ ಪಲ್ಟನ್ ಅನುಬಂಧ 4ಇ-ಡ್‌ ಹುಳು ಸಾಹ 162