Page:Tulu Patero 2017bmr.pdf/220

ತಿಕ್ಕರ್, ಸಾವಿರ ಸಾವಿರ ವರ್ಷದ ಅಯುತ ಬದ್‌ಕ್‌ಡ್, ನನ ಒಲಿಯ‌ ಆನಾಶ್ ಕಮ್ಮಿ, ಶಬ್ದಲೆಡ್,ಆನಾಶ್ ತ್ವರೆಯಾದ್ ಪಿನ್ಸಾವುನ, ಅತ ಆಂತರಿಕ ಶಕ್ತಿ ಪಾಪೆಲ್ವಿನಾಯಗ್‌ ತಿಕ್ಕುನ ಅಗತ್ಯ. ಉದಾ: ಸಂಸ್ಕೃತ ಭಾಷೆ ವಿಪುಲ ಭಾಷೆ ಆದುಪೊಡುಡಾ, ಇ೦ಚಿನ ವ್ಯವಸಾಯ, ಸಾಧನೆ ಸಾವಿರ ಸಾವಿರ ವರ್ಷದವು. ಅಭಿಪ್ರಾಯ ಅಭಿವ್ಯಕ್ತತೆಗ್ ಅತ್ಯಂತ ನಿರ್ದಿಷ್ಟ ರೂಪರಚನೆ ಆ ಭಾಷೆಡ್ ನಡದ್‌ಂಡ್; ಅಂಚಾದ ಪಾಪೆಲ್ವಿನಾಯರ್, ಮುಖ್ಯವಾದ್ ಬರೆಪಿನಾಯಗ್ ವಿಷಯ ನಿರೂಪಣೆ ಮಾಟ್ಟೆಗೆ ಅತ್ಯಂತ ಸಹಕಾಲಿಯಾದುಂಡು. ಅಂಚನೇ ಆಧುನಿಕ ಭಾಷೆಲೆಡ್, ನಂ ತೆರಿದುಪ್ಪುನ ಇಂಗ್ಲೀಷ್ ಭಾಷೆಡ್ ಇಂಚಿನ ಸಾಧನೆ ನಡದುಂಡು. ಅಟಾ,ಇಂಗ್ಲೀಷ್ ಕಲ್ಲಿನಕುಳೆಗ್, ಅಕುಳು ಅಭಿವ್ಯಕ್ತಿ ಮಾಳ್ವರೆಗ್ ತಕ್ಕಂತಿನ ಭಾಷಾ ಪ್ರಯೋಗಲು ಇತ್ತ, ಅಕುಳು ಪಿಸ್ಪಾವುನ ಅರ್ಥದ ಮಿತ್ ಅಕುಳೆಗ್ ತೃಪ್ತಿ ಇಪ್ಪುನ ಅವಕಾಶವುಂಡು. ಅಂಚಾದ್, ಜೀವಂತ ಭಾಷೆ ಇಲ್ಲಿ ವ್ಯವಹಾರದ ಭಾಷೆಡ್, ಇಂಗ್ಲೀಷ್ ಭಾಷೆ ವಿಪುಲ ಭಾಷೆಯಾದ್, ಜನಮಾನಿ ವ್ಯವಹಾರ, ಅಭಿಪ್ರಾಯ, ಅಭಿವ್ಯಕ್ತತೆ ಸಾಮರ್ಥ್ಯ ಪಡೆತ್ತೊಂದು, ವಿಜ್ಞಾನ,ಸಾಹಿತ್ಯ ಗ್ರಂಥರಚನೆಡ್ ಜಗದ ಮುಖ್ಯ ಭಾಷೆಯಾದ್ ಬೈದ್‌ಂಡ್. ಈ ವ್ಯವಸಾಯ, ಸಾಧನೆನೇ ಸದ್ಯ ಈ ಪ್ರಕರಣದ ಮುಖ್ಯ ವಸ್ತು-ವಾಕ್ಯ ರಚನೆ ಅಥವಾ ಪಾತೆರೊದ ಅಭಿವ್ಯಕ್ತತೆದ 15.14 ಪಾಪೆಲ್ವಿನಾಯೆ, ಬರೆಪಿನಾಯ ಪಾತೆರೊದ ವಾಕ್ಯಲೆಡ್ ವಾಕ್ಯಸರಣಿಲೆಡ್ ಅಭಿಪ್ರಾಯ ವ್ಯಕ್ತಿ ಮಾಳ್ವುನಟ್, ತರಬೇತಿ ಸಾಧನೆ ಎಂಚ ಸಾಧ್ಯ ಇನ್ನಗ, ಸದ್ಯ ಈತ್ ಪಣೋಲಿ, ಭಾವನೆ-ಚಿಂತನೆಲು ಆಯೆ ಎನ್ನೊಂದು ಪೊಯನಸಗನೇ ಪಾತೆರೊಗು ಅನುವಾದವಾಪಿನ ಕಾರ್ಯ ವಿಂಜ ಸಹಕಾಲಿ, ಒಂಜಿ ರೀತಿಡ್ ಈ ಕೆಲಸಲಾ ಸಮಪರ್ಕವತ್ ಅತ್ರ ಈ ಭಾವನೆ-ಚಿಂತನೆಲು ಪಾತೆರೊದ ವಾಕ್ಯಲೆಡ್ ತರ್ಕಬದ್ಧವಾದ ಆಯನ ಇನ್ನಿಕೆಡ್ ಆರಂಭವಾಂಡ, ಅಭಿವ್ಯಕ್ತತೆ (ಇನ್ನ ಪಿಸ್ಸಾವುನ) ಕೆಲಸ ಸುಗಮ, ಆಯಗ್ ತೆಲಿಬಿತ್ತಿನ, ಅತ್ಯಂತ ಪ್ರೀತಿದ ಒಲವು ಇತ್ತಿನ ಭಾಷೆಡೆ ಈ ವಿಚಾರ ಸರಣಿಲು, ಭಾವ-ಚಿಂತನೆಲು ಮೂಡ್ ಬರ್ಪಾ. ಈತ್ ಪಣ್ಣನಗ ನಮ್ಮ ಭಾವ-ಭಾವನೆಲು ಉಂಡಾಪಿನ ನಮ ಪರಿಸರದ ಮಿತ್ತ್ ನಮ ಚಿಂತನೆಲು ಉಂಡಾಪಿನಿ ನಮ ಸಂಸ್ಕೃತಿದ ಮಿತ್ತ ಇಲ್ಲಿ ವಿಷಯ ಗಮನೀಯ. ಉದಾ: ಇಂಗ್ಲೀಷ್ ಭಾಷೆದ ಪರಿಜ್ಞಾನವಿಪ್ಪು, ಆ ಪರಿಜ್ಞಾನ ಬತ್ತಿನಿ ಇಂಗ್ಲೀಷ್ ಪರಿಸರ,ಯುರೋಪ್ ಸಂಸ್ಕೃತಿಡ ಮೂಡ್ ಬೈವಿನ ಚಿಂತನೆಲು ಸಿದ್ಧಮಾಡ್ತಿನಟ್, ಅತ ಪರಿಸರದ ಸಂಬಂಧವಾವಡ್, ಸಂಸ್ಕೃತಿದ ಐಕ್ಯತೆ ಆವಡ್, ನಮ ಪಾತೆರೊರಿಜ್ಜಿ. ನಮ ನಮ ಪರಿಸರತ, ಸಂಸ್ಕೃತಿಡ್ ಪ್ರಭಾವಿತವಾದ್ ನಮ ಎನ್ನುವ ನೀತಿ, ದಾಟಿ ಇತ್ಯಾದಿ ಪ್ರಭಾವಿತವಾದಿತ್ತಿನ ನಮ ಪಾತೆರೊಡ್ಡ. ಅಂಚಾದ್ ಸಾಮಾನ್ಯವಾದ್ 219 ಬುಧಾನಂದ ಶಿವಳ್ಳಿ