Page:Tulu Patero 2017bmr.pdf/237

ಜೀವನ ಪರಂಪರೆಟ್, ಭಾರತ ಏತೋ ಸಾಧನೆ ಮಾತ್ತೊಂದು, ವಿಚಾರಶೀಲ ಮೇಧಾವಿಲು ಈ ದೇಶದ ಸಮಗ್ರ ಸಂಸ್ಕೃತಿಗ್ ಅಪಗಪಗ ತಂಕುಳನ ಕಾಣಿಕೆ ಕೊರ್ತೆರ್, ಸುಮಾರಾದ್ ನಾನಾ ಅಂತಸ್ತುಲೆನ ದಾಂಬೊಂದು ಈ ದೇಶದ ಸಂಸ್ಕೃತಿಗ್ ಸಾಕ್ಷೀಭೂತವಾದ್,ಈತ್ ಕಾಲೊಡ್ಡಿ೦ಚಿ ಪವಿತ್ರ ಪಾವನ ರೂಪದ ಗಂಗಾನದಿ ಒಂಜೇ ಲೆಕ್ಕ ಪರತ್ತೊಂದುಲಾ ಬೈದ್‌ಂಡ್. 18.11 ನಂಕ್ ತೆಲಿವಿನ ಲೆಕ್ಟ್, ಗ್ರೀಕ್ ಒಂಜಿ ಕಾಲೊಡು, ಕ್ರಿ.ಪೂ. ಒಂಜನೆ ಶತಮಾನದ ಮುಟ್ಟ, ಉಚ್ಛಾಯ ಸ್ಥಿತಿಟ್ ಇತ್ತಿನ ಪ್ರದೇಶ. ಅಣತ್ತಿನ ಸಂಸ್ಕೃತಿದ ಫಲವಾದ ವಿವೇಚನಾಪೂರ್ಣವಾದ್ ಆಲೋಚನೆ ಮೇಧಾವಿಲು ಉದ್ಭವವಾದಿತ್ತೆರ್. ಕ್ರಿಶ್ಚಿಯನ್ ಯೂರೋಪುನ್ ಮುಟ್ಟುನ ಕಾಲೊಡು ಆ ತತ್ವಲೆಗ್ ಗ್ರೀಕ್ ಜನ ಉದಾತಿನೊಡ್ಡಿ, ದುರಂಕಾರೊ ಆಶ್ರಯ ಕೊರಂದೆ ಪೋಯೆರ್. ಪರಿಣಾಮವಾದ ರೋಮ್ ಸಂಸ್ಕೃತಿ ಉದ್ಭವವಾದ್ ಕ್ರಿಶ್ಚಿಯನ್ ತತ್ವದ ಕೇಂದ್ರವಾಂಡ್, ಸಾಮ್ರಾಜ್ಯ ಶಕ್ತಿಡ್, ಗ್ರೀಕ್ ಸಂಸ್ಕೃತಿನ್ ಬಿಕ್ಕಲಿಸಾದ್, ಯೂರೋಪುದ ಆಧುನಿಕ ಸಂಸ್ಕೃತಿಲೆಗ್ ಬುನಾಬಿಯಾಂಡ್, ಲ್ಯಾಟಿನ್ ಭಾಷೆ ಗ್ರೀಕ ಪಾಕ ಶಬ್ದಲೆನ್ ಪಡೆತ್ತೊಂದು ಉತ್ತಮ ಸಾಹಿತ್ಯ ಭಾಷೆ ಆಂಡ್. ಕ್ರಮೇಣ, ರೋಮನ್ ಸಾಮ್ರಾಜ್ಯ ಒಡೆದ್ ಅಂಯುಕ ನಾಮಶೇಷವಾಂಡಲಾ, ಯುರೋಪುದ ನಾನಾ ದೇಶಲೆಡ್ ಸಂಸ್ಕೃತಿ ಒಲಿದ್ ಪೊಂಡು, ತಮ್ಮಿತಿಡೇ ಲ್ಯಾಟಿನ್ ಭಾಷೆಲಾ ತುಂಡು ತುಂಡಾದ್ ಇಟಾಲಿಯನ್, ಫ್ರೆಂಚ್, ಸ್ಪಾನಿಷ್, ಇತ್ಯಾದಿ ಭಾಷೆಲು ಸ್ವತಂತ್ರವಾಯ. ಈ ಭಾಷೆಲೆಡ್ ಸಾಹಿತ್ಯ ಬೆಳಗಾವೊಂದು, ಸಂಸ್ಕೃತಿ ಮಾತ್ರ ಒಂಜೇ ಆದ್ ಒಲಿದ್ ಬತ್ತ್ಂಡ್, ಈ ಸಂಸ್ಕೃತಿಗ್ ಲ್ಯಾನ್ ಇತ್ತೆಲಾ ಒಂಜಿ ರೀತಿಡ್ ಪ್ರಸಾರ ಮಾರ್ಗವಾದ್ ಉಂಡು. ಅಂಚಾದ್, ಭಾಷೆ ಸಂಸ್ಕೃತಿಲು ಒಂಜೆಕ್ಕೊಂಜಿ ಪೂರಕ, ಅತ್ತಾವಂದೆ ಸಂಸ್ಕೃತಿದ ಮಟ್ಟನ್, ರೂಪುರೇಖೆನ್ ತೆಲಿಪಾವರೆಗ್, ಭಾಷೆ ಕೂಡಾ ಸ್ವಚ್ಛವಾದುಪೊಡು. ಅಂಚಾದ್, ಸಂಸ್ಕೃತಿದ ಅಚರಣೆಡ್‌ ಅಂಧಶೃದ್ಧೆ ಆವಡ್ ಅವಿವೇಕತೆ ಅವಡ್ ಉಪ್ಪೆರೆ ಬಲ್ಲಿ. ಅಪಗನೇ ಸಂಸ್ಕೃತಿಲಾ ಭಾಷೆಲಾ ಏಕಲೀತಿದ್ ಪರಂಪರಾಗತವಾಪಾ, ಪರಂಪರೆನ್ ಒಲಿಪಾವರೆ ಪಾತೆರೊ ಸ್ವಚ್ಛ ಸ್ಪಷ್ಟ ಅನಿಪ್ಪುನ ಅಗತ್ಯ. ಉದಾಹರಣೆಗಾದ್ ಗ್ರೀಕ್ ಭಾಷೆ ಪೂ. ಆಜನೇ ಶತಮಾನೊಡೇ ಕಾವ್ಯ ಭಾಷೆಯಾದ್, ಇಯಾದ್, ಒಡೆಸ್ಸಿ ಇನ್ಸಿ ರಡ್ಡ ಕಾವೊಲು ಯುರೋಪುದ ಸಂಸ್ಕೃತಿನ್ ತೆಲಪಾವುನ ಸಾಹಿತ್ಯವಾದ್ ಫ್ರೆಂಚ್, ಸ್ಪಾನಿಷ್, ಇಂಗ್ಲೀಷ್,ಜರ್ಮನ್ ಭಾಷೆಲೆಗ್ ಸ್ಫೂರ್ತಿದಾಯಕವಾದ್ ಬತ್ತ್ಂಡ್. ಅಂಚನೇ ಭಾರತೊಡು ವೇದಕಾಲದ ಭಾಷೆ ಆ ಕಾಲದ ಸಂಸ್ಕೃತಿನ್ ಅಭಿವ್ಯಕ್ತ ಮಾಳ್ವುನವಾಂಡ್. 236 ಹುಳು ಪಾಪರೂ