Page:Tulu Patero 2017bmr.pdf/240

ಮಾಳ್ತಂಡ್. ತುಳುವ ಭಾಷೆ ಆ ಕಾಲೊಡು ಇತ್ತಿನವಾಂಡಲಾ, ಸಾಹಿತ್ಯ- ಕಲಾಮಹತ್ವ ಪಡೆತ್ತಿನ ಕನ್ನಡ ಯಕ್ಷಗಾನದ ಕೃತಿಲೆನ್ ಶೃದ್ಧೆಡ್ ಒಂಬೊಂದು ಬತ್ತ್ಂಡ್ ತುಳುವನಾಡ್, ಇನ್ನಗ ಕನ್ನಡ ಭಾಷೆದ ಪ್ರಭಾವ ಈ ಯಕ್ಷಗಾನದ ಮೂಲಕ ತುಳುವ ಭಾಷೆ ಗ್ರಂಥಸ್ಥವಾವರೆಗ್ ಅಡ್ಡಿಯಾಂಡಲಾ ಭಾರತದ ಸಂಸ್ಕೃತಿ ತುಳುವದ ಮಿತ್ತ್ ತನ್ನ ಮುದ್ರೆ ಒತ್ತುನಂಚ ಆಂಡ್. 18.30 ಕೊಂಕಣಿ ಭಾಷೆದ ಸಹಚರ್ಯ ತುಳುವೊಡು ಕೊಂಕಣಿ ಭಾಷೆ, ಕೊಂಕಣಿ ಪಾತೆನ ಸಾರಸ್ವತ ಬ್ರಾಹ್ಮಣಿ‌ ಈ ನಾಡಡ್ ವಸತಿ ಸದ್ ನಿಂಜ ಕಾಲನೆ ಆದುಪೊಡು. ಈ ಸಾರಸ್ವತೆರೆನ ಸೇನವೆರ್ ಇಂದ್‌ ಲೆಪ್ಪುವ ವಾಡಿಕೆ ಇತ್ತಂಡ್. ಈ ವರ್ಗದಕುಳು ಸ್ವಭಾವತಃ ಶಾಂತ ಗುಣದಕುಳು. ಈ ನಾಡ್‌ಡ್ ಶೈವ ಧರ್ಮದ ಆಚರಣೆಡ್ ಮೊಕುಳು, ಮಹತ್ವದ ಪಾತ್ರವಹಿಸಿದನಕುಳು, ವಿದ್ಯೆ ಬುದ್ಧಿಡ್ ಚುರುಕುದಕುಳು. ತನ್ನುಳು ಸೊಲ್ಲನ ಊ‌ ಪುದರ್‌ನೆಂ ಉಪನಾಮವಾದ್ ಪಡೆತ್ತೊಂದು ಇತ್ತಿನಕುಳು. ಉದಾ: ಕಾರ್ನಾಡ್ ಸದಾಶಿವರಾಯರ್,ಬೆನಗಲ್ ಶಿವರಾಯರ್,ಪಂಜೆ ಮಂಗೇಶರಾಯರ್, ಇತ್ಯಾದಿ ಸಾರಸ್ವತೆರೆನ ಪುದರ್ ತುಳುನಾಡದ ಪಿದಾಯ ಪರಂಬುದ್ ಬತ್ತ್ಂಡ್,ಅಆದಾಂತಿ ಲೆಕ್ಕೊ. ಸಾರಸ್ವತ ಕೊಂಕಣಿ ಮೃದು ಭಾಷೆ,ಸಾಂಸ್ಕೃತಿಕ ಭಾಷೆ. ನಂತ್ರ ಬತ್ತಿನಕುಳು ಗೌಡಸಾರಸ್ವತ ವರ್ಗದಕುಳು ವ್ಯಾಪಾರದ ಜನೋ, ವ್ಯವಹಾರ ಕುಶಲೆರ್, ವಿದ್ಯೆಭಾಷೆದ ಮಿತ್ತಲಾ ಮೊಕುಳು ಕೊರ್ತಿನ ಕಾಣಿಕೆ ಸ್ಮರಣೀಯ.ಉದಾ: ರಾಷ್ಟ್ರ ಕವಿ ಮಂಜೇಶ್ವರ ಗೋವಿಂದ ಪೈಕುಳು ಮಹಾಕವಿ, ವಿಪುಲ ಭಾಷಾಧ್ಯಯನ ಕಾರೆರ್ ಅಬಿತ್ತೆರ್. ಈ ವರ್ಗದ ಕೊಂಕಣಿ ಭಾಷೆಡ್ ವ್ಯವಹಾರೊಗು ತಕ್ಕಂತಿನ ವೇಗ ಜಾಸ್ತಿ. ನಂತ್ರ ಬತ್ತಿನಕುಳು ಕೊಂಕಣಿ ಪಾತೆನ ರೋಮನ್ ಕ್ರಿಶ್ಚಿಯನೆರ್. ಕೊಂಕಣಿ ಪಾತೆರೊಗು ತುಳುವೊಡು ದುಡಿತಿನಕುಳು ಮೊಕುಳು ಇಂದ್‌ ಪಣ್ಣಲಾ ತಪ್ಪಾವಂದ್‌. 18.31 ಈತ್ ಆಂಡಲಾ ತುಳುವ-ಕೊಂಕಣಿ ಭಾಷಾ ಸಂಪರ್ಕ ಮುಟ್ಟದವಾಂಡಲಾ, ಭಾಷಾ ಬಾಂಧವ್ಯ ಬಲೆತಿ. ರಡ್ಲಾ ತನ್ನ-ತನಾತೆಗೆ ಬುಳವೊಂದು ಬೈದಾ, ಕೊಂಕಣಿದ ಅವಧರಣೆ (accent) ತುಳುಕು ಪತ್ತುಜಿ,ತುಳುತವು ಕೊಂಕಣಿಗ್ ಪತ್ತುಜಿ. ಉದಾ: ತೇರ್‌ಗ್‌ ಪೋವೊಡು ಇನ್ನಿ ತುಳು ಪಾತೆರೊಡು ಸುರುತ ಅಕ್ಷರ ತ್ತೆ ಧ್ವನಿ ಸತ್ತೋದ್ ಅವಧರಣೆ ಆವಿಡೇ ಅಂಡ, ಕೊಂಕಣಿಡ್ "ತೆರಾಕ್ ವುಕ "ಇನ್ನೂ ಪಾತೆರೊಡು ಅವಧರಣೆ ರಡ್ಡನೆ ಅಕ್ಷರ-ಧ್ವನಿಮೆದ ಮಿತ್ತ ಒಲಿದ್ ಅವೆನ್ ದೀರ್ಘ ಮಾಳ್ಳುವ ಉಚ್ಚಾರಣೆ ಆದುಂಡು, ವ್ಯವಹಾರದ ದೃಷ್ಟಿಡ್ ಕೊಂಕಣಿದಕುಳು ತುಳು ಪಾತೆನ ಅನಿರ್ವಾಯವಾಂಡ ತುಳು ಪಾತೆನಕುಳು ಕೊಂಕಣಿ 239 ಬುಧಾನಂದ ಶಿವಳ್ಳಿ