Page:Tulu Patero 2017bmr.pdf/243

ತೀವ್ರಗಾಮಿ ಶೈವತತ್ವ (ultra-Shaivism) ಪ್ರಬಲವಾಯಿನಪಗ ಇಂದ್‌‌ ತೆಲಿಪುಂಡು. 18.41 ಶೈವ ಸಂಸ್ಕೃತಿಡ್ ದೇವೆರುಂಡು, ಏಕಸ್ವರೂಪಿ, ಕಿಂಚಿತ್ ಆಕಾರದ,ಅಂಗ ರೂಪದ ದೇವೆ‌, ಅಂಗ ಇನ್ನಗ ಚಿಹ್ನೆ ಏಕತ್ವದ ಚಿಹ್ನೆ ಜೈನಮತೊಬ್ ಮೂಡ್ತಿಪೂಜೆ ಅಪಗ ರೂಪ ತಾತ್ತಿ. ಮಾನವನ ಶ್ರೇಷ್ಟಗುಣ,ಶಾಂತಿ ಸರ್ವತ್ರ ಶಾಂತಿಯ ದೇವೆರತ್ತಾವಂದೆ, ದೈವತ್ವ ಮೂರ್ತಿಡ್ ಇಜ್ಜಿ ಇಲ್ಲಿ ಸಂಸ್ಕೃತಿ ಕೂಡ ಮಾರ್ಪಾಡಾಪಿನ ಪ್ರಸಂಗ ಒದಗ್‌ಂಡ್. ಕೆಲವು ಶತಮಾನದ ನಂತ್ರ, ಶ್ರವಣಬೆಳಗೊಳೊಡು ಬಾಹುಬಲವ ಒಂಜೆಕಲ್ಲ ಮಲ್ಲ ಪ್ರತಿಮೆ ಪೂಜೆಗ್ ಅರ್ಹವಾದ್ ಬತ್ತ್ಂಡ್. ಈ ಫಲವಾದ್ ತುಳುವೊಡು ಜೈನ ಸಂಸ್ಕೃತಿ ಕುಡೊರ ತರೆದೆರ್ತ್‌ಂಡ್. ಪಡುಬಿದ್ರೆ ಎರ್ಮಾಳ್, ಬಾರ್ಕೂರು ದಂಚಿನ ತೀರಪ್ರದೇಶೂಲೆಸ್ಟ್ ಒರಮಾನ ಜೈವಮತ ಸಂಸ್ಕೃತಿ ಮೂಡಾಯಿದ ವೇಣುಪುರ [ಮೂಡಂದ್ರೆ] ವೇಣೂರು, ಕಾರ್ಕಳೊಡು ಪ್ರಕಾಶಮಾನವಾಂಡ್. ಬಾಹುಬಲಿನ ಏಕಶಿಲಾ ಪ್ರತಿಮೆಲು ರಚಿತವಾಯ. ಮೂಡದ್ರೆಯಂತೂ ಭಾರತೊಡು ಜೈನಕಾಶಿಯಾಂಡ್, ಮುಲ್ಪನೇ ಮಹಾಕವಿ ರತ್ನಾಕರ ವರ್ಣಿನ " ಎಂಚ ಪೊಲ್ಲಾಂಡೆಂದು ತುಳುವರು ಮೈಯು ಕೇಳಬೇಕಣ್ಣ “ ಇನ್ನಿ ಭರತೇಶ ವೈಭವ ಪುಟ್ಟದ್ ಬತ್ತ್ಂಡ್. 18.42 ಶೈವ ಸಂಸ್ಕೃತಿದ ದ್ಯೋತಕವಾದ್ ತುಳುವನಾಡ್‌ಡ್ ಹಳ್ಳಿಹಳ್ಳಿಲೆಡ್ ಶಿವಾಲಯಲು ಉಂಡಾಯ, ಜೈನ ಪ್ರಾಬಲ್ಯ ಇಜ್ಜಾಂತಿನ ಕಾಲೊಡು,ಅಂಗ ರೂಪಿ (ಏಕೈಕ ದೇವತ್ವದ ಸಂಕೇತ)ದ ಶಿವಾಲಯಲು ತುಳುನಾಡ್‌ಡ್ ಇತರ ದಕ್ಷಿಣ ಭಾರತದ (ತಮಿಳುನಾಡ) ಲೆಕ್ಕೊ ತೀವ್ರಗಾಮಿಯಾದಿತ್ತಿ ಇನ್ನಿನವು ಗಮನೀಯ. ಈ ನಾಡ್ಡ ಮೂಲಗುಣನೇ ಇಂದೆಕ್ ಕಾರಣನೊ ಇನ್ನಿನ ಲೆಕ್ಕೊ ಈ ಮೃದುಗಾಮಿ ಶಿವತತ್ವ ಸಂಸ್ಕೃತಿದ್ದಾವರೆ, ಮುಲ್ಪ ತೆಂಕಾಯಿದಂಚ ಮತಘರ್ಷಣೆ ನಡತ್ತಿ. ಸುಮಾರಾದ್ ಕ್ರಿಶ. ೧೦-೧೨ ನೇ ಶತಮಾನೊಡು ಕೇರಳದ ಬ್ರಾಹ್ಮಣ ವರ್ಗದಕುಳು ಇಡೆಗ್ ಬತ್ತೆರ್. ಸಂಸ್ಕೃತ ಪಾಂಡಿತ್ಯ,ಮಂತ್ರ,ತಂತ್ರ, ಮರ್ದ್, ಜ್ಯೋತಿಷ ಇತ್ಯಾದಿ ಜನೋಪಯೋಗಿ ಗೊತ್ತುಡು(ಜ್ಞಾನೊಡು), ಮೊಕುಳು ಈ ನಾಡ್‌ಡ್ ಸ್ಥಿರ ಉಂತುನ ಪ್ರಸಂಗವಾಂಡ್, ಮಲೆಯಾಳದ ಅನನಾಸಿಕ ಉಚ್ಚಾರಣೆಡ್ ತುಳು ಭಾಷೆನ ಮೊಕುಳು ಪಾತೆರೊಂದು ಬತ್ತೆರ್. ಅಂಚನೇ, ದೈತ ಮತ ಸ್ಥಾಪನೆಯಾಂಡ್. ಜೀವಾತ್ಮ-ಪರಮಾತ್ಮ ಬೇತೆ ಬೇತೆ ಇನ್ನಿ ತತ್ವ ಪೂಜೆಗ್- ಭಕ್ತಿಗ್ ಪ್ರಾಶಸ್ತ್ರ ವಿತ್ತಿನ ಈ ಸಂಸ್ಕೃತಿ, ಮಹಾಕಾವ್ಯ ಮಹಾಭಾರತದ ಆಸ್ತಿವಾರದ ಮತ್‌ಡ್ ಬತ್ತಿನವು. ವೈಷ್ಣವ ಧರ್ಮದ ಈ 242 3 ಹುಳು ಸಾಹರೂ