Page:Tulu Patero 2017bmr.pdf/32

೨. ಉದ್ಧಾರ ತತ್ವ (Pooh-pooh theory): ದುಃಖ,ಬೇನೆಡ್ ಜಮೊ ಉದ್ಧಾರ ದೆಪ್ಪುನವು ಸಹಜ. ಅಯ್ಯೋ, ಹಾಯ್, ಇನ್ನಿನವು ಸಂಕಷ್ಟ ಸೂಚಕವಾಂಡ ಓ ಅಹಾ ಇಲ್ಲಿ ಪದಲು ಆಶ್ಚರ್ಯಸೂಚಕವಾದ್, ಥ. ಇನ್ನಿನವು ತಿರಸ್ಕಾರಸೂಚಕವಾಪಿನಿ ಈ ತತ್ವದ ಲೀತಿಡ್. ೩. ನಾದ ತತ್ವ (Ding-dong theory): ಇಂದ್ ಪ್ರಸಿದ್ಧ ಸಂಸ್ಕೃತ ತಜ್ಞೆ ಮಾಕ್ಸ್ ಮುಲ್ಲೆರೆನ ಸಿದ್ಧಾಂತ. ಪ್ರತಿ ವಸ್ತುಗ್ ತನ್ನವೇ ಆಬಿತ್ತಿನ ನಾದ (ಸ್ವರ) ಇತ್ತದ್, ಪಾಪೆಲ್ವಿನಾಯನ ಆತ್ಮ ಆ ನಾದೊಗು ಅಭಿವ್ಯಕ್ತಿ ಕೊರ್ಪಿನವೇ ಭಾಷೆ ಇಂದ್‌ ಆರ್ ಪಂಡೆರ್. ನಂತ್ರ ಆರೇ ಈ ತತ್ವ ಸಿದ್ಧಾಂತೊನು ಕೈಬುಡಿಯೆರ್, ಇಂದೆಟ್ ಇತ್ತೆದ ಅಧ್ಯಯನ ಲೀತಿಡ್ ಒಂತೆ ಅಂಡಲಾ ಸತ್ಯತೆ ತೊಜಿದ್ ಬರ್ಪುಂಡು. ೪.ಶ್ರಮ ಪರಿಹಾರ ತತ್ವ (Yo-hoho theory: ಕಷ್ಟ ಕೆಲಸ ಮಾಲ್ಪುನಗ ಶ್ರಮ ಪರಿಹಾರೊಗಾದ್ ಧ್ವನಿಕೂಪಾವುನವುಂಡು. ಆಂಡಲಾ ಇಂಚಿನ ಶಬ್ದಲು ಶಬ್ಧಕೋಶೂಗು ಸಾಮಾನ್ಯವಾದ್ ಸೇರುಜಾ. ಮಿತ್ತ ಈ ನಾಲ್ ತತ್ವಲೆಡ್ ಭಾಷಾಶಾಸ್ತೋಗು ಉಪಯೋಗವಾನಿ ತೀರಾ ಕಮ್ಮಿ ಶಿಶುಭಾಷೆ, ಅನಾಗರಿಕ ಜನಾಂಗದ ಭಾಷೆ, ಭಾಷೆದ ಇತಿಹಾಸ ಇತ್ಯಾದಿಲೆಡ್ ಭಾಷೆದ ಉಗಮ ಎಂಚವಾಂಡ್ ಇಂದ್‌ದ್ ನಿಷ್ಕರ್ಷೆ ಮಾಳ್ವರೆ ಸಾಧ್ಯ. 1.35 ಯೆಸ್ಸಲ್ಸನ್ ಪಣ್ಣಿನ ಪಾತೆರೊ ಇಂದೆತ ಮಿತ್ತ್ ಗಮನಾರ್ಹ ಇಂದ್‌‌ ತೆಲಿವೊ. ಪಾತೆರೊದ ಮಟ್ಟೋಡು ಇಪ್ಪುನ ತುಳುತಂಚಿನ ಭಾಷೆದ Davon "We may perhaps draw conclusion that primitive languages in general was, rich in all kinds of different sounds-tone plays an important part in many primitive languages-we must imagine primitive languages consisting of different sounds and sung rather than spoken." ಉದಾಹರಣೆಗಾದ್ ತುಳುಬ್ ಈ ವಾಕ್ಯ ತೂಲೆ: ಆಯೆ ತನ ಕೆಲಸೊನೆಂಚಾಂಡಲಾ ಮತ್ತೊಣುಡುವೆ ಮಳ್ಳಾವೊಣುಡುವೆ, ಮತ್ತುಡುವೆ ಮತ್ತುರ್ವೆ ಇತ್ಯಾದಿ. ನನ ಒಂಜಿ ಉದಾಹರಣೆಗ್ ೩.೪೩ ತೂಲೆ. 1.36 ಪಾಣಿನಿನ ಸಂಸ್ಕೃತ ವ್ಯಾಕರಣದ ಅಧ್ಯಯನ ನಡತ್ತಿನ ನಂತ್ರ ಪಾಶ್ಚಿಮಾತ್ಯ ವಿದ್ವಾಂಸೆರೆಗ್ ಅಂತ ಶ್ರೇಷ್ಟತೆ ಅಲವಾಂಡ್. ಅಯೊನಾರ್ಡ್ ಬ್ಲೂಮ್‌ಫೀಲ್ಡರ್ ಪಣ್ಣಿನಲೆಸ್ಕೊ "ಇಂದೊಂಜಿ ಮಾನವ ಬುದ್ಧಿ ಸೂಕ್ಷ್ಮತೆದ ಮಲ್ಲ ದಾಖಲೆ. ಇಂದೆಟ್ ಅತ್ಯಂತ ಸೂಕ್ಷ್ಮ ವಿವರಲು, ಭಾಷಾರಚನೆಲು, ಮೂಲರೂಪೊಲು ವ್ಯಾಕರಣದ ರಚನೆದ ಸೂತ್ತಲು ತೋಜಿದ್, ಈತ್‌ಮುಟ್ಟ ಇಂದೆಕ್ ಸರಿಸಮಾನವಾದಿಪ್ಪುನ ವ್ಯಾಕರಣ ಜ್ಞಾನ ತೆಲಿಪಾವುನ ಗ್ರಂಥೋಲು 31 ಬುಧಾನಂದ ಶಿವಳ್ಳಿ