Page:Tulu Patero 2017bmr.pdf/356

ಕ್ರಮೇಣ ಹರಿಹರಪುತ್ರ "ಅಯ್ಯಪ್ಪನ್" ರೂಪೊಗು ಆರಾಧನೆಗ್ ಬದಲಾಯಿನ ಏಷಯೊನು ತುಂಠಿ ಪೆಲಿಪಾವರ್, ಕೇರಳೊಡು ಅದರ ಚಾಲನೆಡ್ ಇತ್ತಿನ ಬೌಧಧರ್ಮದ ಪ್ರಭಾವೊಲು ಸತಾ (ಶರಣಂ ಇತ್ಯಾದಿ) ಅಯ್ಯಪ್ಪನ್ ಕಟ್ಟಳೆಲೆಗ್ ಬೈವಿನೆನ್ ಸೂಚಿಸಾದ‌. ತುಳುನಾಡುಡು ಪಿರಾಕ್‌ಡ್ ಚೌಧಧರ್ಮ ಇತ್ತಿನೆಕ್ಟ್ ಬಿಂಜ ಪುರಾವೆಲು ತಿಕ್ಕು. ಮಂಗಳೂರು ಕದರಿ ದೇವಸ್ಥಾನದ ಲೋಕೇಶ್ವರನ ವಿಗ್ರಹ ಬೌಧಶೈಅದ ಇಂದ್‌, ಕದಲಿ ಒಂಟಿ ಬೌಧವಿಹಾರವಾದಿತ್‌ಂಡ್ ಇಂದ್ ವಾದೊಲುಂಡು. ತುಳುಬ್ರಾಣಿ‌ ಕೇರಳೊಗು ಪೋಯಿನಕುಲು ಮಂತ್ರ ಇತ್ಯಾವಿಲೆನ್ ಬರೆವರೆ ಮಲಯಾಳಂ ಅಪಿನ್ ಹೋಲುನ ತುಳು ಬರೆವೊಂದಿತ್ತೆರ್. (ಪುಣಿಂಚತ್ತಾಯ, ೨೦೦೧: ನೆಲಿಯ ಹರೀಶ್ ಹೆಬ್ಬಾರ್, 9೦೦9; ಪಡುಕಣ್ಣಾಯ,೨೦೦೨).ಆರಲಿಪಿಡ್ ತುಳು ಬೊಕ ಮಲಯಾಳಂ ಅಪಿಕುಲು ಏಕಾಸವಾಂಡ್ ಇಲ್ಲಿನ ಅಭಿಪ್ರಾಯಲಾ ಉಂಡು. ಈ ಅಪಿಟ್ ಬರೆತಿನ ಅನೇಕ ಪಾಲಿದ ಒಅಗಲಿತ್ತ ಹಸ್ತಪ್ರತಿಲು ಧರ್ಮಸ್ಥಳದ ಸಂಗ್ರಹೊಡು ಉಂಡು. ಆಂಡ ಈ ಮಲಯಾಳಂ ಸಾಮ್ಯತೆದ ತುಳುಲಿಪಿ "ತುಳುನಾಡ್‌ಡ್ ವ್ಯಾಪಕ ಪ್ರಚಾರೊಗು ಬತ್ತಿದೆ. 8.3 ತುಳು ವಿಷಯ ఒరి ಡಾ| ಗುರುರಾಜ ಭಟ್‌(೧೯೭೫) ವಿಮರ್ಶೆ ಮುನಿನ ಒಂಟಿ ಮುಖ್ಯ ವಿಚಾರ ತುಳುವಿಷಯದ ಸ್ಥಳ ಮೂಲ: ಬಂಕಿಯಾಳುಪೇಂದ್ರನ ಬಾರಕೂರು ಶಾಸನೊಡು ಆಯನ ದಂಡನಾಯಕೆ ತುಳು ವಿಷಯದ ಮಿಸ್ಟ್ ಜಯ ಸಾಧಿಸಾನ ಸಮಾಚಾರೊನು ದಾಖಲೆ ಮಲ್ತ್‌ಂಡ್. ಅಂಚಂಡ ಈ ತುಳುವಿಷಯ ಬಾರಕೂರು-ಮಂಗಳೂರು ರಾಜ್ಯದ ಪಿದಾಯಿದ ಭಾಗ ಅವಿಪೊಡು. ಬಂಕಿಯಾಳುಪೇಂದ್ರನ ದಂಡನಾಯಕ‌ ತನ್ನ ರಾಜ್ಯದ ಸೀಮೆ ದುಲಾಯಿ ಯುದ್ಧಮಲ್ತ್‌ದ್ ವಿಜಯ ಸಾಧಿಸಾವುನ ಅಗತ್ಯ ಬೂರಂದ್, ಈ ತುಳುವಿಷಯ ಇನ್ನಿ ಪ್ರದೇಶ ಅದಗದ ಕಾಲೊಡು ಗೇರುಸೊಪ್ಪೆ- ಭಟ್ಕಳದ ಸುತ್ತುಮುತ್ತ ಇತ್ತುಪೊಡು. ಕ್ರಿ.ಶ. ೧೦೯೯ದ ಚಾಲುಕ್ಯ ತ್ರಿಭುವನ ಮಲ್ಲದೇವನ ಶಾಸನೊಡು ತುಳು ಸೈನ್ಯ ಸಿಬಂಧನ (guards) ಪ್ರಸ್ತಾಪ ಉಂಡು ಕ್ರಿ.ಶ. ೧೩೯೮ದ ಗೇರುಸೊಪ್ಪದ ಶಾಸನೊಡ್‌ಲಾ ತುಳು ಕಾವಲುಭವೆರೆನ ಸುದ್ದಿ ಉಂಡು. ೧೨ನೆ ಶತಮಾನದ ಶಿರಶಿದ ಕದಂಬೆರೆನ ಶಾಸನೊಡ್ಲಾ ಲಾಲಿಯದೇಏ "ತುಳುವ"ರಾಜ್ಯೋನು ಆಂಬತ್ತಿನ ಪ್ರಸ್ತಾಪ ಬೈದ್‌ಂಡ್. ಗಣ ಹೊಯ್ಸಳೆರೆ ಶಾಸನೊಲೆಡ್ ಅಕಲೆನ ಸಾಮ್ರಾಜ್ಯದ ಪಶ್ಚಿಮ ಆಳುವಖೇಡಾ ಇಂದ್ ಉಂಡಾತ್ತಾಂದೆ ತುಳುರಾಜ್ಯದ ಪ್ರಸ್ತಾಪವಿಟ್ಟ. ಶಿವಮೊಗ್ಗ ಜಿಲ್ಲೆದ ಸಾಂತಳಿಗೆ ಸಾಂತಳಿಗೆ ಮನೆತನದ ಹೊಸಗುಂದದ ರಾಜೆರಕುಲು ೧೩ನೇ ಶತಮಾನೊಡ್ ತುಳರಾಯ ಸ್ಥಾಪನಾಚಾರ್ಯ ఇని ಬರುದುಲೆನ್ ದೀವೊಂದಿತ್ತೆರ್(೧೨೨೧-೧೨೯೭), ಆಳುಪೆರೆನ ವಾ ರಾಜಗ್‌ಲಾ ತುಳು ರಾಯ ಇನ್ನಿ ಬಿರುದು ಇತ್ತೀಜಿ. ಅಂಚನೇ ಹೊಯ್ಸಳ ಮೂಜನೆ ವೀರ ಬಳ್ಳಾಲನ (ಕ್ರಿ.ಶ. ೧೩೧೮- ೧೩೧೯) ಶಾಸನೊಡು ಹೊನ್ನಾವರದ ಘಾಟದ ಕೈತಲ್ ಆಯಿನ ಯದ್ಧ ಬೊಕ ಅಯಿಟ್ [ಹೊಸಳೆರಡ] ತುಳುವೆರ್ ಸೋತಿನನ್ ದಾಖಲಾತಿಂಡ್, ಕ್ರಿ.ಶ ೧೩೭೮ ದ ಗೇರುಸೊಪ್ಪದ ಹೊನ್ನಾವರ ತಾಲೂಕು-ಶಿವಮೊಗ್ಗ ಜಿಲ್ಲೆದ ಗಣತ ಕೈತಲ್-ತುಳುದೇಶ ಇನ್ನಿ ಶಬ್ಧ ದಾಖಲಾತಿಂಡ್. ಕ್ರಿ.ಶ. ೧೪೧೫ದ ಕಾಯ್ಕಿಣಿ 355 ಬುಧಾನಂದ ಶಿವಳ್ಳಿ