Page:Tulu Patero 2017bmr.pdf/69

ಆಂಡ, ಅಕುಳು ನಂಮ ಹಿರಿಯೆರ್ ತುಳುವೆರಾ ಅತ್ತಬೇತೆ ಭಾಷೆದಕುಳಾ ಇಂದ್‌ದ್ ಎಂಚ ತೆರಿಪಿನಿ? ೨.೨೧ ಈ ಶಾಸನೋಡು ನನೊಂಜಿ ಪದ ಪ್ರಾಕೃತದ ಕೂಪ ಇನ್ನಿನವು. ಸಂಸ್ಕೃತೊಡು ಅವೇ ರೂಪೊಡು ಉಂಡು, ತುಳುಟು ಕೂವೆಲ್> ಗೂವೆಲ್ ಇನ್ತಿ ಪದ ಇತ್ತೆಲಾ ರೂಢಿ ಇಪ್ಪುನ ಪದ, ತಮಿಳ್ ಪ್ರಾಚೀನ ಗ್ರಂಥಲೆಡ್ ತೋಜುನ ಕೂವೆಲ್‌ಗ್ ಅರ್ಥ ಶಂಕು ಆಕಾರದ (anything cone shaped) ಇಂದ್‌ದ್, ಈ ಕೂವೆಲ್ ಪ್ರಾಕೃತದ ಕೂಪ, ಕೂವ, ಕೂವ ಪದಲೆಗ್ ಸಾಮ್ಯ ಇತ್ತಿನವು. ಪಕಾರ ವಕಾರದ ಬದಲಾದ ಬರ್ಪಿನ ರೀತಿಡ್ ತೂವನಗ ಈ ಪದೊನು ಇನ್ನಗ ಕೂವೆಲ್‌ನ್ ಆನಿಡ್ಡಿಂಜಿ ಪಾತೆರೊಂದು ಬತ್ತಿನಕುಳು ಈ ನಾಡ್ಗ ಜನಮಾನಿ ತುಳುವೆರ್ ಇಂದ್‌ ತೆರಿಪುಂಡು. - ಪಾಂಡ್ಯ ವಸಾಹತು ಪ್ಲಿನಿ ೨.೩೦ ತುಳು ತಮಿಳುಗು ಸಂಬಂಧ ದಾನೆ? ಎಂಚ ಬತ್ತಂಡ್? ಇನ್ಸಿ ಸಂಗತಿ ತೆರಿಯೊಡು. ಮೂಲದ್ರಾವಿಡದ ಸಂಪರ್ಕ ತುಳು ಭಾಷೆಗ್ ಕನ್ನಡದ ಮುಖಾಂತರನೇ ಇಲ್ಲಿ ನಂಬಿಕೆ ಉಂಡು ಕೆಲವರೆಗ್ ಅವು ಸಮನಾ ಅತ್ತಾ ಇಂದ್‌ ತೂವೊಡು, ದ್ರಾವಿಡ ಭಾಷೆದ ಇತಿಹಾಸದ ಮಿತ್ ಪಣಿಂದು ಡಾ| ಕಾಲ್ಡ್ ವೆಲ್ತ್ ಈ ರೀತಿ ತೆರಿಪಾವೆರ್. "Megasthenes speaks of a country in India, which was called Pandai, after the name of the only daughter of the Indian Hercules that is of Krishna. Pliny expressly mentions that a portion of western coast was then under the rule of King Pandian, far away from his Mediterranian Emporium of Madhura." -R.Caldwell ಇಂದೆತ ಮಿತ್ತ್ ಪಣ್ಣಿನವು ಈತೆ, ತುಳುವ ಜನಮಾನಿ ಪಾತೆರೊಡು ಭೂತಾಳಪಾಂಡಿನ ಕಥೆ ಕೇಣ್ಣೀ ಬರುಂಡು. ಅಯಿಟ್ ಚರಿತ್ರೆದ ಅಂಶ ಇದ್ದಿ, ಅವೊಂಜಿ ಕಟ್ಟೆ ಕಥೆ ಇಂದ್‌ದ್ ಚರಿತ್ರೆಕಾ‌ರ್ ಅವೆನ್ ತಳ್ಳಿದ್ ಪಾಡ್ಡೆರ್. ಆಂಡ, ಗ್ರೀಕೆರೆನ ಪ್ಲಿನಿ ತನ್ನ ಗ್ರಂಥೋಡು ಕೂಡಾ ಪಾಂಡ್ಯ ರಾಜೆರ್ ಈ ನಾಡ್ಡ ಮಿತ್ ಆಧಿಪತ್ಯ ನಡಪೊಂದಿತ್ತೆರ್ ಇಂದ್‌ದ್ ತೆರಿಪಾದೆ, ಜನಮಾನಿನ ಪಾತೆರೊಡು ಆ ಕಥೆ ಓಡಿಯಂದ ರ ಸಾವಿರ ವರ್ಷಡ್ಡಿ೦ಟಿ ಕೇಸ್ಟ್ ಬರೊಂದು ಇಪ್ಪನಗ, ಈ ಭಾಷೆಗೊಂಜಿ ದೀರ್ಘಕಾಲದ ಪರಂಪರೆ, ಚರಿತ್ರೆದ ಹಿನ್ನೆಲೆ ಉಂಡು ಇನ್ನಿನ ಸ್ಪಷ್ಟವಾಪುಂಡು. ಹಳು ಪಾಪರೂ 68