Page:Tulu Patero 2017bmr.pdf/70

ಆಂಶೋಲು 2.31 ಚರಿತ್ರಾಂಗು ಪುರಾವೆಲಾದಿತ್ತಿನ ಉತ್ಪನನಲು, ಶಿಲಾಲೇಖಲು, ತಾಮ್ರಪಟ್ಟಿಲು ಚರಿತ್ರೆದ ದೀರ್ಘ ಪ್ರಯಾಣದ, ಪರಂಪರೆದ ಅವುಲವುಲು ತಿಕ್ಕದಿನ ಮೈಲುಗಲ್ಲುಲು. ಈ ಮೈಲುಗಲ್ಲುಲು ಏತೋ ಬೂರ್ದ್‌ಪೋತಾ. ಅಟತ್ರ ಜನಮಾನಿನ ಚರಿತ್ರೆಡ್ ಏತೋ ಮುಖ್ಯ ಮಾಯವಾದುಪ್ಪುನ ಸಹಜವಾದ್ ಚರಿತ್ರೆ ರಚನೆಡ್, ಈ ಮೈಲುಗಲ್ಲುಲು ದಿಂಜ ಸಹಾಯವಾಪಿನವಾಂಡಲಾ, ಚರಿತ್ರೆದ ಅಂಲೊಡು ಉಂಡಾತಿನ ಒಡಕೂಗು ಕೂಡಾ ಕಾರಣವಾದುಳ್ಳ ಪ್ರಿಯದರ್ಶಿ ಅಶೋಕನ ಶಿಲಾಲೇಖದ ನಂತರ ಕನ್ನಡ ವಿಭಾಗೊಡು ತಿಕ್ಕಿನ ಸುರುತ (ಆದಿದ) ಶಿಲಾಲೇಖದ ಕಾಲ ಸುಮಾರಾದ ಕ್ರಿ.ಶ. ೪೫೦ ಆಂಡ, ನಡುಮಧ್ಯದ ಏಳ್ ಶತಮಾನದ ಅವಧಿ ಚರಿತ್ರೆಡ್ ಇತ್ತಾ? ಜನಮಾನಿ ಇತ್ತೀಜೆರಾ? ಇತ್ತೀಜೆರಡಾ ಅಕುಳು ಒರಾನೆ ಎಂಚ ಬತ್ತೆರ್ ಇನ್ಸಿ ಪ್ರಶ್ನೆಗ್ ಉತ್ತರ ತಿಕ್ಕುಜಿ. ಈ ಏಳನೆ ಶತಮಾನದ ಅವಧಿನ್ ಚರಿತ್ರೆಕಾರೆರ್ ಸುಲಭವಾದ್ ಬೊಳ್ಳು ತೂವಂದಿನವು ಇಂದ್‌ ಕೈಬುಡ್ ಕುಳುದೆ‌. ತದ್ವಿರುದ್ಧವಾದ್ ಜನಮಾನಿನ ಪಾತೆರೊ ಓಡಿಯಂದಿನವು. ಆನಿಙ್ಗಂಟಿ, ದಿನನಿತ್ಯ ಪಾತೆರೊಂದು ಜನಮಾನಿ ನಡತ್ತೊಂದು ಬೈದಿನಕುಳು. ಅಕುಳು ಮೊರನಿ ಇತ್ತೆರಿನ್ದಿನಂಕ್ ಅಕುಳಿನ ಇನಿತ ಇರುವಿಕೆನೆ ಸಾಕ್ಷಿ. ಅಕುಳು ಆನಿ ಪಾತೆರೊಂದಿತ್ತಿನಲುಕ್ ಇನಿ ಪಾತೆನ ಭಾಷೆನೇ ಸಾಕ್ಷಿ. ಒಕ್ಸಿರಿಂಕಸ್‌ ಪೇಪಿರಿ-ಗ್ರೀಕ್ ಪ್ರಹಸನ 2.40 ಕನ್ನಡ ಭಾಷೆ ಈ ನಾಡ್‌ಡ್ ಇತ್ತ್ಂಡ್ ಕ್ರಿಸ್ತಶಕದ ಆರಂಭದ ಕಾಲೊಡು ಇನ್ನಿನಕ್ ಇಪ್ಪುನ ಮಲ್ಲದಾಖಲೆ ಕ್ರಿ.ಶ. ಒಂಜನೇ ಶತಮಾನದ "ಒಕ್ಸಿರಿಂಕಸ್‌ ಪೇಪಿರಿ' (Oxyrhyncus papyri) ಇನ್ನಿ ಈಜಿಪ್ಟ್ ದೇಲೊಡು ತಿಕ್ಕಿನ ತಾಡಪತ್ರದ ವಿಷಯ ಪ್ಲಿನಿ ತೆರಿಪಾವೆ. ಈ ತಾಡಪತ್ರೆಡ್ ಗ್ರೀಕ್ ಬರವುಡು ಬರೆತಿನ ಒಂಜಿ ವಿಡಂಬನಾ ಪ್ರಹಸನೊಡು ಕನ್ನಡದ (ಪೂರ್ವದ ಹಳೆಗನ್ನಡ) ಶಬ್ದಲು ಇತ್ತಿನ ವಿಷಯ ಪಣ್ಣಿನಕುಳಿಡ್‌ ರಾಷ್ಟ್ರಕವಿ ಗೋವಿಂದ ಪೈ ಒರಿ, ಈ ಪ್ರಹಸನ ಕಥಾಭಾಗ ನಡತ್ತಿನ ಜಾಗೆ ಮಲ್ಪೆ ಇನ್ವೆರ್. ಆಂಡ ಬರ್ಪಿನ ಕೆಲವು ಶಬ್ಧಲು ಶಬ್ದಲು ಕ್ರಿ.ಶ. ಒಂಜನೇ ರಡ್ಡನೇ ಶತಮಾನದವತ್ ಇನ್ಸಿ ಅಭಿಪ್ರಾಯಲಾವುಂಡು ಕೆಲವು ವಿದ್ವಾಂಸೆರೆಗ್. ಬೇರೆ, ಕೊಂಚ, ಹಾಕು- ಇಲ್ಲಿ ಪದಲು ಅಯಿಟ್ ತೋಜಿದ್, ಈ ಪದಲು ಆದಿಕಾಲದ ಶಬ್ದಲು ಅತ್ತೆ ಇಂದ್‌ ಅಕುಳಿನ ವಾದ. ಆಂಡ, ಅದಗ ಕೇಸ್ಟ್ ಬತ್ತಿನ ಶಬ್ದಲು ಅವೇ ರೂಪೊಡು ಇತ್ತೆಲಾ ದಾಯೆಗ್ ಒರಿಯರೆ ಬಲ್ಲಿ ಇನ್ನಿ ವಿಚಾರೊನು ಅಕುಳು ಗಮನೊಗು ದೆತ್ತೊಂದೆರಾ ಇಟ್ಟಾ ಇಂದ್‌ ತೆರಿಯಂದ್, ತುಳುಟು ಗೂವೆಲ್ ಸಾಮಾನ್ಯ ದಿನ ಬಳಕೆದ ಪಾತೆರೊ. ಆಂಡ ಈ ಶತಮಾನೊಡು ತುಳು ಜನಮಾನಿ ಪಾತೆರೊಡು ಬತ್ತ ಸೇರಿನವು. ದಾಯೆಗಿನ್ನಗ ತಮಿಳು ಭಾಷೆಡ್ ಕನ್ನಡ ಭಾಷೆಡ್ ಈ ಕಾಲೊಡು ಆ 69 ಬುಧಾನಂದ ಶಿವಳ್ಳಿ