Page:Tulu Patero 2017bmr.pdf/74

ಕನ್ನಡ-ಬ್ರಾಹ್ಮ ಅಪಿತ ಆದಿದ ಶಾಸನವಾದುಂಡು. ತುಳು ಭಾಷೆಗ್‌ಲಾ ಅನ್ವಯವಾಪಿನವು. ಇಂದ್‌ ಕದಂಬ ಮನೆತನದ ಶಾಸನ, ಕದಂಬ ಮನೆತನ ಅರಸ್ತಾನ ತುಳುವೊಡು ಮುಖ್ಯವಾದ್ ಕಡಬ ಇನ್ನಿ ಗ್ರಾಮೊಡು ಇತ್ತಂಡ್ ಇಂದ್‌ ತೆರಿದ್ ಬರ್ಪುಂಡು. ಕಡಬ ಇನ್ದಿ ಪದ ಕೂಡಾ ಕದಂಬ ಪದೊಕ್ ತೀರಾ ಕೈತಲ್ಲವು ಇಂದ್‌ ತೆರಿದ್ ತೋಜುಂಡು, ತುಳುನಾಡ್ಡ ಪ್ರಖ್ಯಾತ ರಾಜಮನೆತನ ಆಲೂಪೆರೆಗ್ ಕೂಡಾ ಸಂಬಂಧವಿತ್ತಿನವು. ಈ ಶಾಸನೊಡು ಆಳಪ ಇನ್ನಿ ಪದ ಸೇ‌ಂಡಲಾ ಚರಿತ್ರಕಾರರ್ ಅವೆನ್ ಆಲೂಪ ಮನೆತನದವು ಅತ್ತೆ ಇಂದ್‌ ಅಭಿಪ್ರಾಯ ತೆರಿಪಾವರ್. ಆಂಡ, ಈ ಶಾಸನದ ೧೧ನೆ ಸಾಲ್‌ಡ್ "ಪೆತ್ತಜಯನಾ ಇಲ್ಲಿ ಪದ ತುಳುಭಾಷೆಗೆ ಪ್ರಾಮುಖ್ಯವಾದುಪ್ಪುನವು. ಈ ಶಾಸನೂನು ಪರಿಷ್ಕರಣಿ ಮನ ಡಾ| ಎ.ಎಚ್.ಕೃಷ್ಣ ಪರ್: "The Word like ಪೆತ್ತಜಯನ (line 11) is formed in imitation of Sanskrit." dega 22 aw ಪಶುಪತಿ ವಂಶದಾಯ ಇನ್ನಿನಕ್ ಪರ್ಯಾಯಪದ. ಪೆತ್ತ(ತುಳು) +ಜ(ಸಂಸ್ಕೃತ) ಆತಿನ ಈ ಸಂಧಿ ಪದ ಕನ್ನಡ ವ್ಯಾಕರಣಕಾರೆರ್ ಆಕ್ಷೇಪ ದೆಪ್ಪುನಂಚಿನವು. ಅರಿಸಮಾಸ ಇಂದ್‌ದ್, ಆಂಡ ಅಕುಳು ಈ ಪ್ರಾಕ್ಟ ಶಿಲಾಲೇಖ್ನು ತೂದಿತ್ತಿನ ಲೆಕ್ಕ ಇಜ್ಜಂದ್ ತೆರಿಪುಂಡು, ಈ ಶಾಸನದ ಪ್ರಾಮುಖ್ಯತೆ ತುಳುಭಾಷೆಡ್ ನಮ ಪ್ರೀತಿಡ್ ಸಾಂಕುನ, ಪೇರ್ ಕೊರ್ಪಿನ ಪೆತ್ತದ ಮಿತ್ತ್ ವೈಶಿಷ್ಟ್ಯ ಪಡೆತೊಂದು ಉಂಡು-ಪೆತ್ತ. ಕ್ರಿ.ಶ. ೪೫೦ಡ್ ಅಷ್ಟೇ ಉಚ್ಚಾರ ಅವೇ ಅರ್ಥ ಪತ್ತೊಂದು ಇತ್ತಂಡ್ ಇನ್ನಿನವು ನಂಕ್ ವಿದಿತವಾಪುಂಡು. ಈ ಪದೊನು ಪಶು ಪದತ ಪಗತೆಗ್ ಉಪಯೋಗ ಮಕ್ತನ ಶಾಸನಕಾರ ತುಳುವದ ಈ ಪದ ಪ್ರಯೋಗೊಡು. ತುಳುವದ ಸಂಪರ್ಕವಿತ್ತಿನಾಯೆ ಮಾತ್ರವಲ್ಡ್, ಆಯನ ಅತೀವ ಪ್ರೀತಿದ ಪದ ಇನ್ನಿನವು ಸ್ಪಷ್ಟ. ಅತ್ತಾಂಡಲಾ, ಶಾಸನೊಡು ಸ್ಪಷ್ಟ ಅರ್ಥ ಕೊರ್ಪಾವುನ ಆಯನ ಧೈಯವಿತ್ತ ಅ ಸಮಾನ ಅರ್ಥ ಸಂಪತ್ತದ ಈ ಪದೊನು ಉಪಯೋಗ ಮನವಾದುಪೊಡು. ದಾಯೆಗಿನ್ನಗ,ಇಂದೆತ ವ್ಯುತ್ಪತ್ತಿದ ಪ್ರಕಾರ, ಪೆಟ್ಟಿ=ಪೆಟ್ರ ಇನ್ದಿ ಮೂಲ ದ್ರಾವಿಡ ಪದ ಪೆಯಿ ಧಾತುಡ್ ಬೈದಿನವು. ಆಂಡ ತಮಿಳು ಪೆಟ್ರ ಇನ್ನಗ ಬಸವೆ, ಬೋರಿ (bull) ಇಂದ್‌ದ್ ಒರಿದ್, ತುಳುಟು ಅವೆನ್ ಪತ್ತೊ (Cow)ಗ್ ಅನ್ವಯಿಸದ್ ಪಣ್ಣಿನ ವಾಡಿಕೆ ಇನಿತವು ಕೋಡೆದವತ್ತ ದಾಯೆಗಿನ್ನಗ, ಆ, ಆವು, ಗೋವು, ದನ, ಪಶು(ಹಸು), ಆಕಳು ಇತ್ಯಾದಿ ಪದಲು ತುಳುಜನಮಾನಿಗ್ ಕೈತಲ್ಲ ಸಂಪರ್ಕವಿತ್ತಂಡಲಾ ತುಳುಟು ಈ ಪತ್ತ ಪದ ಅತ್ತಾವಂದೆ ಬೇತೆ ಪದ ರೂಢಿಡೇ ಇಂಚಾದ್,ಶಾಸನಕಾರೆ.ನಿರ್ದಿಷ್ಟ ಅರ್ಥಕೊರ್ಪಾವುನ ಈ ಪದೊಕು +ಜಿ ಸೇರಾದ್ ಪತ್ತ ಪದೊನು ಪ್ರಖ್ಯಾತಿ ಪಶುಪತಿ ವಂಶ ಸೂಚಕವಾದ್ 73 ಬುಧಾನಂದ ಶಿವಳ್ಳಿ