pükön pidi, das gased epubom so nenomomafiko. Zülags balsetel pesegivoms cifeles, kopananes e votikes du yel. Samäds kiltum pakabukila tiädü “Volapük in juls publügik”pelautöl fa söl Creed, pelemoms de söl Post, pübel. Kopanans 26 no epeloms yelamoni ploy el at e nems omas peliunoms. Kopanans 42 epeloms; egetobs kopananis 37 nulik, so das num lölik kopananas kluba nu binom 79.
NUNOD FINANIK.
NINSUMAM.
Yelamon jü Xul rid…$80.00 Läpolots…$9.00 Pakafün…$17.00 Zülags…$1.00
Suam…$107.0
SEGIVAM.
Potamon…$16.97 Penöm…$5.75 Bükam…$5.75 “Volapük”…$26.80 Zülags…$1.00 Pakabukils…$5.00 Zülags calik…$6.00 Plusuam…$39.73
Suam…$107.00
Söl Creelman pekomitom, xamöm nunodi finanik löpnik, e söl at edunöl atosi enunom, das nunod binom gitik sesumü pelam söla Parcelle. Nunod pelensumom flanü lasamef.
Söl Post täno enunom, das ked lenadadilas tells pepüböl in gaseds mödik peblöfom as mod vobädik e desidik, al lenzugön seniti popa al Volapük, ab no as med sätik, al lenadön plobo püki at. Pösods za 1350 esedoms vobädis sugivas pegivöl, al pamenodön, e mödiks estudoms lenadadilis at nen esedön vobädi sugivas. Nedoto lenadadils evobädoms nitedi legletik plo volapük in tats at, des Kanadän jü Kalifonän.
Lepenädan täno elilädom länototi suköl: “Glidob ladliküno kpananis valik volapükakluba nolümelopik e vipob jonön, va no binomöv din gudik, givon bevü yegs papladöl kösömo disü stabaston bumotas maniföfik pöbumöl samadis gasedas volapükik. If volapük odeilom u ocenom ats obinoms seledots gletik in timag füdik fagik. Louise Dow Benton, de Lancaster, N. H.”
Penod dö “gepotakad pepelöl e volapük” fa s. Jacob Frech pelilädöl täno, egetom läsevami vemik flanü lasamef e pekonsidos, das pübam ota in gaseds mödik binom ledesidik. Pemobos e pesludos fa lasamef, sepetön dolsumami ladlik lade L. Dow Benton in leglif demü deil süpitik matana ofa.
Söl Post täno enömodom meliti vobas nefenik, betikälik e vobädik plofeda Leopold Simonson edilöl in Hartford; pesludos fa lasamef das penod dolsumälik posedom famüle edeilöla; sols Post e Brightman pekomitoms, al dafulön sludoti at. Täno peneds sölas dokel Woodward e Wm. C. Woodward, de El-
