YUNANES NUGÄNIK.
FA PETÖFY SANDOR.
Bims no laböl flolis, li flukis oblinoms? U yunans fatäna oba li flols binols? . . O vi gade somik, Vi tumenaliko, bi God omi flapom, Kö, ä sols, nugänkiks yunans—vio logon— Eglofoms flols sümik!
Lan oba lefoga fomoti lensumom, De lefüd al vesüd ovi fatän flitom. Nevifo, dagiko, If, as lefog ninom, leliti labomöv, Yunans! lemöd olas äseistomöv Su püf nelifiko.
Bi ols, yunans, lifi lunülo melidols, Büpals olas gletiks stels fulik ebinoms, E li ols? . . Smalikans! Lufät no kodomös, das fatän at pöfik Ozesüdom olis; jel obinomös smalik Flanü ols, noslikans!
Lad olas, vo! binom ledom pamaniföl, Dlänoms us kumiko okis lots bösetöl, Lots egelo yofik. Pop zanälik fulom cemi e säluni, Kels ai no letoms lesmaliki pladi Sene fatänanik.
Lad olas labedom guli smalik töbo, Kö ninspulom oki, as spulaf, kläniko, Fatäna löf sanik; Ed atos te dulos, jü itasük kömom, E delidön oti, olis okonsälom, As döni lebadik.
Binols, vo, fibikans! Keles nid fatäna No völadom umo, ka nidil pleita Vanik e golenik. Binols, vo, fibikans! Nidön kanomsöv sols Oles, e plo atos, viliko zistanols Litapoli stömik.
