This page has not been proofread.
嘅咯、你等吓、等我哋呌倒𱒲個失主嚟、你地兩家當面講、佢
亦不能抹嘥你個分、總要補置幾両銀過你嘅、𱒲個無賴脚
色唔肯、話呢張銀票、係我自己嘅、我祇曉得擰銀票嚟攞銀、
你哋話係別人跌嘅銀票、𱒲啲都於我無渉、我唔管咁多、你
硬係俾銀過我、就冇說話講、銀舖唔肯俾銀過去、噉樣佢就
要攞翻𱒲張原票擰翻去、𱒲間銀舖又要留住佢嘅、唔俾翻
佢、噉就佢去嘵、到晚上𱒲個無賴脚色、又約埋四個爛仔去
銀舖處吵鬧、佢地到銀舖就大鬧一塲、係櫃位拉嘵個夥記、
出嚟打、把櫃面嘅算盤、又掟嘵、個汎官聽聞呢件事、以爲係
搶銀舖、就帶兵嚟、將𱒲五個人捉住、送嘵入縣、後來查明白
