Palinodia

by Cesare Correnti

Ma sii matti... Come ii faa mò a famm stampà
senza avè el pegn in man?
Savevev ben che mi sont on sognan,
che, in certi di, no foo che pisorgnà !

E, del rest, asca el privileg del sogn, (*)
che m’ han vorsuu fibbià, (’)
podeven ben, perbincio, induvinà
che sont in mezz ai tribuleri e ai rogn!

Per parlà de Milan come el meritta,
e per fa el vost trombetta,
bisognarav podè viv ona vitta
lontana di folcitt, inguaia e s’ cotta.

 Ma r è già squas duu mes che sont sui gucc,
e no soo che ben fa !
Di volt menestrarav legnad a tucc,
e di volt me ven voeuja de scappà.

Hii capii? Sont on’ anema dannada!
Mangi domà cadenn !
Quell sur Bartolomee {^) me 1’ ha friccada,
e nun, mastransc, che giontom l’oca e i penn !

E, de sora maross, nun, vece bardassa,
giughem l’ Italia a tavola e molin, ..
. E, intant, el temp el passa . ..
e vemm, vun dopo 1’ oltr’ al Gentilin .