Pened hiela A. Kerckhoffs gasede: Volapükabled Tälik 1
Xam yelsik al dagetòn dipedi Spodala volapùkk ozitom, ayelo, folul 15id.
Vobads kels posugivoms steifales binoms sekiko penedik e omütoms palautön, in Flentän äso in Selän, komü komitef pedanemöl fa Volapükaklub flentik.
If labol julelis anik, kels estudoms volapüki ziliko e vipoms getön dipedi, ovälobs oli as Sulogeli xama in zif olik e opotobs ole pötatimo vödemi vobadas.
Ats obinoms kilnik:
- 1o Lovepolam peneda volapükik in pük netik;
- 2o Lovepolam peneda se pük netik in volapük;
- 3o Redakam penota smalik de tonabaliens 15 jü 20.
Vobads at mütoms pafinön ünü düps kil e pasedön foviko fa komitef al bisiedel Volapükakluba flentik.
Gebam glamata e vödabuka padalom.
Diped Spodala pagevom steifales valik kels umekoms vobadis okik gudiko; nems omik popüboms in Yelabuk Pedipedelas.
Ogetol ko pened at vödemi xama äyelik.
Begob oli mobön obes volapükafleni sembal as sulogeli telid.
Valadob gepüki sunik e blibob, Söl löfik, ko lestim gletik.
- Paris, 1888, 2ul 25id.
Noted. - Volapükaklub flentik estitamom steifalami valemik telid bevü volapükels tala lölik. Ogevom könadis kosteifeles kels olautoms volapüko penotis gudikün dö sembal sugivas suköl:
- 1o Lifanunod de Charlemagne (flans luüno 20).
- 2o Lusag netik.
- 3o Konlet tedapenedas 20 jü 30.
Penots mütoms pasedön Volapükaklube büfü balsul 1id yela at.
Se Volapükabled Tälik 1888, Nüm: 4, Pad: 30.