Pened hiela A. de Jong söle: G. Ljusterdal 11
Nüm: 3.
- O flen digik!
Danob oli ladöfiko demü vips olik pötü nulayel, e lüsedob ole e famüle olik rezipiko vipis gudikün obik pro yel änu eprimöl.
Lä at potob ole diseinamäkis anik Kluba polüglotik valemik, efe in Volapük, Nedänapük e Linglänapük. Diseinamäkis at söl: ‚F. J. Krüger‛ in ‚Amsterdam W.‛ (Nedän) Potakät: 6021 ebüedom bükön. Penolös ome e säkolös ome, va kanol remön diseinamäkis at in püks difik! Söl: ‚Krüger‛ binom sekretan Kluba polüglotik valemik, ed evedom in kobikam lätik Volapükakluba valemik Nedänik presidan kluba at.
Lä at läkövob i bledili ko tradutods diseina Kluba polüglotik valemik ini püks difik anik, ab begob ole ad gepotön oni obe pötatimo.
Nu binol kluo in dom palas olik, e lüvipob ole vakeni glorik in lom ola.
Ko glids ladöfik,
- olikan:
Vödem rigädik, neai pepüböl.