Pened hiela A. de Jong söle: G. Ljusterdal 6
‚Leiden‛ 1951 mayul 9.
Nüm: 69.
- O flen digik!
Ko fred egetob nuni olik, das vödabuk ekömon fino. Ab binos bisarik, das no egetol leigüpo gramati. Konsälob ole ad begön bukatedane olik ad i sivön buki at.
Steifolös nu ad slüdön kestudanis anik olik ad studön i Volapüki! If num Volapükanas in Svedän obinon saidiko gretik, tän okanobs ba fünön Volapükaklubi valemik Svedänik. Dun somik ofödonöv dini sublimik obsik, bi nun mögädik füna kluba in Svedän in Volapükagased ostigädon nendotiko Volapükanis in läns votik ad i fünön Volapükaklubis valemik.
Ko glid flenöfik,
- olikan:
Vödem rigädik, neai pepüböl.