Pened hiela E. dos Remedios gasede: Volapük (Hannover) 1
- Söl redakel bleda „Volapük“!
In gased olik nüm 6 de 1894, 12ul visü nem obik sibinom vöd ‚vönik‛, kel, äs vipob, pepübomöv nevelo. Kosadob e spodob as kopanal spodöl vpakluba Hannover lenlogü e ma jemäd, pepüböl in „Kosmopolan“ de 1894, 7ul, 1id, o. b. spodön me vp as me gudikün, al pakön vpi; e dat spods no binoms-la lonedüpik, lofob dünis obik vpanes ut, kels nedoms dinis anik se Cinän u sümikosi äs potamäks e. l., e usedoms obe biseo kosti u pelami dinas pevipöl me potakomit. No binob konletel bäledikas potamäkas; so vipob pakapäkön, das no tökob, bi no labob mäkis bäledik al tökön. Egetob penedis mödik ko potamäks bäledik, begöl obi, tökön ko potamäks cinänik e. s. Ogepükob pötatimo penedis valik.
Danob ole plo pübam peneda at, al vitön mikapälübi.
E. G. dos Remedios.
Se Volapük: Gased al pakam Volapüka 1895, Nüm: 8, Pads: 6-7.