Pened hiela I. Hermann gasede: Volapükabled Tälik 2
Danob ladliküno plo nüms volapükableda tälik. Liedo nu cal obik no dälom obe jäfön mödiko volapüki, klu i no kanob potön ole läpoli sembal plo gased. Deno potob ole pemi vobadas büfik oba, kelis tuvob in delabuk obik; otuvol ba bosi, keli kanol pübön pötatimo in gased olik. In nüm balid volapükabled olik stimol obi me tiäds: kademal e plofed volapüka. Binob ni plofed ni kademal e begob oli menodön atosi in onüm gaseda olik. Binob te löpitidel.
Odamanifob ovigo tidüpi nulik vpa plo calels leloda e potastita isik; söls 20 enotedoms nütlidami. Logol also das vp aimostepom is in Bosnän. Ven ufinob tidüpi telid, vilob stabön is volapükaklubi.
- Sarajevo, 1888, 3ul 22id.
Se Volapükabled Tälik 1888, Nüm: 6, Pad: 46.