Pened hiela J. Bernhaupt gasede: Volapük (Guadalajara) 1
SILOP, SÜRÄN. - Beyruth. - Velul 1, 87.
Jäf balid velatik pimeköl me volapük. Pos egetön fa bükel Feyel in Überlingen lensumi püba plägabuka obik, äsenob nedi laböna volapükeli gudik sembal nilü bükel et, al kudön menodis zesüdik e lefulami vobuka at.
Äpenedob äl söli Kniele, bisiedel volapükakluba würtermbergik, begoböl omi lensumöni tuväti at. Pos vigs anik älabob gesagi gönik oma, e nen fezogam äpotob äl omi namapenädi vobuka it. Kniele no äbinom kotenik dö anikos ed äpenedom äl obi notedis oma. Ägepenedob; ab Kniele aibinom volapükel klatik e no nog äbinom kotenik.
Spod obas tefü plägabuk oba ädulom bo mulis vel u jöl; - blefo - äzesüdos luüno spod penedas balsetel büfo vobuk oba äkanom pubön; ab spod valik et ijenom löliko in volapük, kelos blöfos, das jäfs kanoms pamekön vemo gudiko me volapük.
Ibo söl Kniele äkapälom gudiko valikosi ed ämekom gudiko valikosi.
No fälo binos al dotön, das volapük aibinom pük tugedik bevä nets difik.
Se Volapük: Gased bevünetik tedelik, nolik, literatik e gälodik 1887, Nüm: 7, Pad: 72.