Pened hiela L. Lasperg gasede: Volapükabled Tälik 1
Diseinü bevikodam taelas vpa e al betidön e suadön nonelis völada e möga väpüka sembal, volapükaklub isik (num 166 vpabl. z.) vipom setopön, if obinos mögik ome, konleti de potakads, peneds e l. pepenöl vpo, tatas valik e se zifs alik tala, kö sevon datuvoti klatik vpa schleyerik.
Yegs konleta at oibliboms peboföl, e konlet pailefulnom mögiko.
Setopam pedisinöl sötom jenön balüdo in zif at e poso in zifs votik limepäna. Kopanals kluba speloms en siki mödik e kinoms begön oli, keli sevoms as fleni velatik e zilik vpa, das labolös gudi yufön omis lefulnön konleti et, sedöl ol it, u kodedöl das flens ola sedoms omes: potakadis u penotis vpik, ninöl notedis blefik tefü stad vpa in zif ola, nümi dabalik vpagaseda sembal, lisedi kopanelas vpakluba usik, pämis u smapenädis in u dö vp, blefo balosi u votikosi, kelos kanos fidön desäni obsa e duinön diseine setopama. Liedö meds mükik kluba obsa no daloms das alos lemobs literati vpik mödik. Kodü mük ot, binobs nemükik säto al dabegön sedamis baik peflanölo.
Spelöl das odafulol plidiko begi flenik otas, kopanals kluba bisedanoms oli ladliküno düni gletik, keli oduinol, omes e dine vpa, e oidafuloms viliko vipis baik ola gönü vp.
- Joinville (Basil), 1888. 10ul.
Se Volapükabled Tälik 1888, Nüm: 11, Pad: 87.